សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ យោងតាមប្រភពព័ត៌មានបានឱ្យដឹងថា នៅថ្ងៃព្រហស្បតិ៍ ៥កើត ខែមិគសិរ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៩ ខែធ្នូ ឆ្នាំ២០២១ ដោយមានការដឹកនាំបញ្ជាពីសំណាក់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត កម្លាំងប្រឆាំងគ្រឿងញៀននៃអធិការដ្ឋាននគរបាលក្រុងព្រះសីហនុបានទទួលជនសង្ស័យម្នាក់ពីសន្តិសុខឆាយណាថោន ពាក់ពន្ធ័នឹងករណីគ្រឿងញៀន ស្ថិតនៅភូមិ៦ សង្កាត់លេខ៤ ក្រុង-ខេត្តព្រះសីហនុ កាលពីវេលាម៉ោង០៩និង៣០នាទីថ្ងៃទី០៧ ខែធ្នូ ឆ្នាំ២០២១ នៅចំណុចភូមិ៦ សង្កាត់លេខ៤ ក្រុងព្រះសីហនុ ខេត្ដព្រះសីហនុ ទៅកាន់សាលាដំបូងខេត្តអនុវត្តទោសតាមផ្លូវច្បាប់។
សមត្ថកិច្ចបានឲ្យដឹងថា ជនសង្ស័យមានឈ្មោះ Buntharik MumthuleePrem ភេទស្រី ជនជាតិថៃ មុខរបរបម្រើការខារ៉ាអូខេ មានទីលំនៅបច្ចុប្បន្ន ភូមិ៦ សង្កាត់លេខ៤ ក្រុង-ខេត្តព្រះសីហនុ មានស្រុកកំណេីតនៅប្រទេសថៃ ។
សមត្ថកិច្ចបានឲ្យដឹងទៀតថា វត្ថុតាងដែលកម្លាំងសមត្ថកិច្ចដកហូតបានរួមមាន៖ ម្សៅក្រាមពណ៌សថ្លា សង្ស័យសារធាតុញៀនចំនួន០២កញ្ចប់ និងទូរស័ព្ទ ចំនួន០១គ្រឿង ។
បច្ចុប្បន្នជនសង្ស័យខាងលេី កម្លាំងជំនាញបានកសាងសំណុំរឿងបញ្ជូនទៅកាន់សាលាដំបូងខេត្តចាត់ការតាមផ្លូវច្បាប់ ៕
ដោយ៖ អរុណរះ
