សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នាព្រឹកថ្ងៃទី ១១ ខែ ធ្នូ ឆ្នាំ ២០២១នេះ ក្រុមការងារអនុសាខាកាកបាទក្រហមកម្ពុជា ខណ្ឌសែនសុខ ដឹកនាំដោយ លោក សក់ ច័ន្ទកញ្ញារិទ្ធ ប្រធានគណៈកម្មាធិការអនុសាខា បានអញ្ជើញទៅទទួលទេយ្យទានសប្បុរសធម៌ពីព្រះមុនីវង្សា វែង ណេង ព្រះចៅអធិការវត្តឃ្មួញ ។
សូមបញ្ជាក់ថា, នាឱកាសនោះ ព្រះមុនីវង្សាព្រះចៅអធិការវត្ត បានមានព្រះថេរដីកាកោតសរសើរ គាំទ្រ និងមានទឹកព្រះទ័យសោមនស្សរីករាយ ក្នុងការចូលរួមចំណែកលើកកម្ពស់កម្លាំងមនុស្សធម៌របស់កាកបាទក្រហមកម្ពុជា។
ជាការឆ្លេីយតប លោកប្រធានគណៈកម្មាធិការអនុសាខា បានមានប្រសាសន៍សូមថ្លែងអំណរព្រះគុណចំពោះព្រះមុនីវង្សា វែង ណេង ព្រមទាំងបានសន្យានឹងចាត់ចែងប្រើប្រាស់នូវទេយ្យទានទាំងនេះឲ្យចំគោលដៅជួយឲ្យដល់ដៃជនរងគ្រោះគ្រប់ប្រភេទ ឲ្យស្របតាមគោលការណ៍គ្រឹះទាំង៧ប្រការរបស់ចលនាកាកបាទក្រហម ។
ទេយ្យទានដែលអនុសាខាបានទទួលរួមមាន៖ អង្ករ៥០០គីឡូក្រាម មី១០កេសតូច ទឹកត្រី១០យួរ ទឹកសុីអុីវ១០យួរ ទឹកក្រូច១០កេស ទឹកសុទ្ធ១០កេស តែ១០កញ្ចប់ ស្ករស១០គីឡូក្រាម ទឹកដោះគោ១០កំប៉ុង អំបិល១០គីឡូក្រាម សម្ភារៈប្រេីប្រាស់៤សម្រាប់ និងថវិកាចំនួន១លាន៥សែនរៀល ៕
ដោយ ៖ សិលា
