សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ ជនសង្ស័យម្នាក់ ត្រូវបានកម្លាំងនគរបាលប្រឆាំងគ្រឿងញៀនខេត្ត សហការជាមួយកម្លាំងសមត្ថកិច្ចស្រុករលាប្អៀ ចាប់ឃាត់ខ្លួន និងដកហូតថ្នាំញៀនចំនួន ៥កញ្ចប់។
នេះបេីយោងតាមប្រភពព័ត៌មានពីរបាយការណ៍របស់នគរបាលខេត្តកំពង់ឆ្នាំង នៅថ្ងៃសៅរ៍ទី១១ ខែធ្នូ ឆ្នាំ២០២១។
បេីតាមការបញ្ជាក់ពីលោកវរសេនីយ៍ឯក ហ៊ុល វាសនា ស្នងការរងនគបាល ទទួលផ្នែកប្រឆាំងគ្រឿងញៀនខេត្ត បានឱ្យដឹងថា ជនសង្ស័យឈ្មោះ ផាត វិចិត្រ ភេទប្រុស អាយុ ២៤ ឆ្នាំ ជនជាតិខ្មែរ មុខរបរ មិនពិតប្រាកដ រស់នៅក្នុងភូមិទួលខ្សាច់ ឃុំជ្រៃបាក់ ស្រុករលាប្អៀ ខេត្តកំពងឆ្នាំង។
លោកស្នងការរងរូបនេះ បានបន្ថែមថា ករណីចុះបង្ក្រាបករណីគ្រឿងញៀនខាងលើនេះ បានធ្វើឡើងនៅវេលាម៉ោង ២និង៣០នាទីរសៀលថ្ងៃទី១០ ខែធ្នូ ឆ្នាំ២០២១ម្សិលមិញនេះ ជាក់ស្ដែងសមត្ថកិច្ចជំនាញ បានឃាត់ខ្លួនជនសង្ស័យម្នាក់ នឹងដកហូតថ្នាំញៀនចំនួន ៥កញ្ចប់ ,ទូរសព្ទដៃ ១គ្រឿង ,បារីអេឡិចត្រូនិក ១គ្រឿង រួមនឹងឧបករណ៍វេចខ្ចប់មួយចំនួនផងដែរ។
ក្រោយឃាត់ខ្លួនជនសង្ស័យ រួមនឹងវត្ថុតាងថ្នាំញៀន ត្រូវបានកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមច្បាប់៕
ដោយ៖សហការី
