សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៍មានពីការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ នៅរសៀលថ្ងៃសៅរ៍ទី១១ ខែធ្នូ ឆ្នាំ២០២១នេះ បានឱ្យដឹងថា បុរសម្នាក់ឈ្មោះ ចន្ទ សាឫទ្ធ ដែលជាម្ចាស់អាខោនហ្វេសប៊ុក Chan Sarith (ចន្ទ សាឫទ្ធ) ដែលបានសរសេរថា (និទានរឿងកំប្លែងដែលមានពិតរបស់នាយឡោស៉ី(2002)កាលនៅរស់៖ អគ្គីភ័យបានឆាបឆេះក្នុងតំបន់មួយនៅភ្នំពេញ អ៊ុំស្រី/ លោកខ្មួយបាញ់ពន្លត់ផ្ទះអ៊ុំផង។
មន្ត្រីពន្លត់អគ្គីភ័យ/ ផ្ទះលោកអ៊ុំបើខាងខ្ញុំបាញ់ពន្លត់គឺត្រូវចាយលុយអស់$1200។
អ៊ុំស្រីតប/ លោកខ្មួយផ្ទះអ៊ុំសង់អស់ត្រឹមតែ$700ដុល្លាចឹងក្រុមការងារលោកខ្មួយបាញ់ពន្លត់ផ្ទះគេចុះមិនបាច់ទេទុកឲ្យផ្ទះអ៊ុំឆេះទៅចុះចាំអ៊ុំរកលុយសង់ឡើយវិញអាចនិងចំណេញជាងថ្លៃសេវាដែលអ៊ុំត្រូវបង់ឲ្យខាងខ្មួយ ចប់រឿងកំប្លែងខ្មោចនាយឡោស៉ីដោយបរិបូណ៍) ដែលជាការប្រមាទមេីលងាយមកលេីកម្លាំងសមត្ថកិច្ចពន្លត់អគ្គិភ័យរបស់យេីង ហេីយត្រូវបានសមត្ថកិច្ចកោះហៅ ចូលខ្លួនមកបំភ្លឺ និងសុំទោសជាសាធារណ:នូវកំហុសរបស់ខ្លួន។
ជាមួយគ្នានេះ ការិយាល័យនគរបាលបង្ការពន្លត់អគ្គិភ័យ និងសង្គ្រោះ សូមធ្វើការបកស្រាយបំភ្លឺ និងបដិសេធចំពោះហ្វេសបុកផេក Chan Sarith (ចន្ទ សាឫទ្ធ) ដែលបានសរសេរបែបនេះ និងធ្វេីឲ្យប្រជាពលរដ្ឋមានការយល់ច្រឡំមកលេីកងកម្លាំងសមត្ថកិច្ច ដែលបានចុះប្រតិបត្តិការអន្តរាគមន៍ជួយសង្គ្រោះប្រជាពលរដ្ឋ ជាពិសេសមានបំណងអាក្រក់បំពុលបរិយាកាសដល់សង្គមជាតិ។
ប៉ុន្តែនៅព្រឹកថ្ងៃទី១១ ខែធ្នូ ឆ្នាំ២០២១ កម្លាំងសមត្ថកិច្ច ការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានកោះហៅឈ្មោះ Chan Sarith (ចន្ទ សាឫទ្ធ) ចូលខ្លួនមកបំភ្លឺ ដោយបានទទួលនូវកំហុស និងធ្វើការថតវីដេអូសុំទោសជាសាធារណៈចំពោះប្រជាពលរដ្ឋ ជាពិសេស សមត្ថកិច្ចជាមន្ត្រីអនុវត្តច្បាប់ ដើម្បីសុំការលើកលែងទោស៕
សូមចូលរួមសហការចែកចាយតែព័ត៌មានពិត !!!
ដោយ៖សហការី
