សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ជិះម៉ូតូមកឈប់កន្លែងដូរលុយដោយមិនបានដកសោចេញទេ ភ្លាមៗនោះស្រាប់តែមានជនសង្ស័យម្នាក់ដេីរមកឃេីញឱកាសល្អក៏ឡេីងបញ្ឆេះប្រុងលួចយក តែមិនឆេះត្រូវជនរងគ្រោះជាម្ចាស់ម៉ូតូក្របួចជាប់ប្រគល់ជូនសមត្ថកិច្ច។
ហេតុការណ៍នេះបានកេីតឡេីងកាលពីវេលាម៉ោង១០និង៣០នាទីព្រឹកថ្ងៃទី២០ ខែធ្នូ ឆ្នាំ២០២១ នៅចំណុចផ្សារឯករាជ្យ២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះលី ផូ ភេទប្រុសអាយុ២៤ឆ្នាំ មុខរបរនិងទីលំនៅមិនពិតប្រាកដ។ ជនរងគ្រោះជាម្ចាស់ម៉ូតូឈ្មោះស៊ុន លាបហេង ភេទប្រុសអាយុ២៧ឆ្នាំ ស្នាក់នៅភូមិព្រៃព្រីងត្បូង១ ខណ្ឌពោធិ៍សែនជ័យ។ ម៉ូតូដែលជនសង្ស័យប្រុងលួចយកនោះម៉ាកឃ្លីក ពណ៌ស ពាក់ស្លាកលេខភ្នំពេញ1HS- 9747 ។
តាមសម្តីជនរងគ្រោះបានឱ្យដឹងថា មុនពេលកេីតហេតុរូបគាត់បានជិះម៉ូតូមកឈប់កន្លែងដូរលុយដែលជាកន្លែងកើតហេតុនេះ ខណៈគាត់កំពុងឈរបែរខ្នងដូរលុយដោយមិនបានដកកូនសោចេញពីម៉ូតូនោះទេ ក៏ស្រាប់តែមានជនសង្ស័យម្នាក់ដេីរមកឃេីញឱកាសល្អក៏ឡេីងជិះម៉ូតូដើម្បីបញ្ឆេះតែមិនឆេះទេីបរូបគាត់បែរមកឃេីញទាន់ក៏ឃាត់ជាប់និងនាំយកទៅប្រគល់ជូនសមត្ថកិច្ចតែម្តង។
បច្ចុប្បន្នជនសង្ស័យត្រូវបានសមត្ថកិច្ចកសាងសំណុំរឿងបញ្ជូនទៅផ្នែកព្រហ្មទណ្ឌដេីម្បីចាត់ការតាមច្បាប់៕
ដោយ៖សុខាសែនជ័យ
