សារព័ត៌មាន នគរវត្ត តែងតែនាំមុខគេជានិច្ច
ក្លិបមេឃខៀវ Manchester City ត្រៀមខ្លួនរួចជាស្រេចក្នុងការដំឡើងប្រាក់ឈ្នួលដល់កីឡាករ Bernardo Silva ដែលអាចក្លាយជាកីឡាករមានចំណូលបានច្រើនជាងគេក្នុងប្រវត្តិសាស្ត្ររបស់ក្លិបដើម្បីរក្សាគាត់នៅទឹកដី Etihad បន្តទៀត។
ប្រាក់ឈ្នួលរបស់កីឡាកររូបនេះស្ទើរតែទ្វេដងដល់ទៅប្រហែល៣០០,០០០ផោនក្នុងមួយសប្តាហ៍ ហើយ Bernardo នឹងចូលរួមជាមួយ Kevin De Bruyne និង Raheem Sterling ដែលជាកីឡាករមានប្រាក់ឈ្នួលខ្ពស់ជាងគេនៅ Man City ។
Bernardo នៅសល់រយៈពេល៤ឆ្នាំទៀតលើកិច្ចសន្យារបស់គាត់នៅក្លិប Man City។ លោក Pep Guardiola គ្រូបង្វឹករបស់ Man City បានសារភាពថា ទម្រង់លេងរបស់ខ្សែប្រយុទ្ធសញ្ចាតិព័រទុយហ្គាល់រូបនេះពិតជាគួរឲ្យចាប់អារម្មណ៍ខ្លាំងណាស់ ដែលគាត់មិនអាចទម្លាក់ថ្លៃឈ្នួលបាន។
តារារូបនេះបាននិយាយទៅកាន់លោក Guardiola អំពីការចាកចេញកាលពីរដូវក្តៅមុន នៅពេលដែល Man City បានចុះហត្ថលេខាជាមួយកីឡាករ Jack Grealish ហើយគាត់ត្រូវបានគេរំពឹងថានឹងខកខានសម្រាប់ការបន្តកុងត្រាថ្មីលើតម្លៃ១០០លានផោន។ ប៉ុន្តែ Bernardo វ័យ២៧ឆ្នាំមិនត្រឹមតែបង្ហាញខ្លួនយ៉ាងល្អនោះទេ ថែមទាំងបានក្លាយជាកីឡាករឆ្នើមប្រចាំឆ្នាំរបស់ក្លិបរហូតមកដល់ពេលនេះ។
កីឡាករ Bernardo Silva បានស៊ុតបញ្ចូលទីបាន៧គ្រាប់នៅរដូវកាលនេះបើទោះបីមិនបានស្វែងរកគ្រាប់បាល់ពេលប៉ះជាមួយក្រុម Newcastle កាលពីថ្ងៃអាទិត្យក៏ដោយ។
លោក Guardiola មានការអាណិតអាសូរចំពោះស្ថានភាពផ្ទាល់ខ្លួនរបស់ Bernardo ប៉ុន្តែគាត់ក៏ប្តេជ្ញាដូចគ្នាក្នុងការរក្សាគាត់ឱ្យនៅក្លិបបន្តទៀត។ ឥឡូវនេះគេជឿថា Man City នឹងគាំទ្រការស្នាក់នៅរបស់កីឡាកររូបនេះជាមួយនឹងកិច្ចសន្យាថ្មីដែលអាចឲ្យគាត់នៅរហូតដល់ឆ្នាំ២០២៥ ៕
ដោយ៖ ភារៈ(រូបភាព ៖ The Sun)
