សារព័ត៌មាន នគរវត្ត តែងតែនាំមុខគេជានិច្ច
ក្លិបនៅ Premier League បានយល់ព្រមបន្តការប្រកួតដែលបានកំណត់ពេលបុណ្យណូអែល បើទោះជាការប្រកួតជាច្រើនត្រូវបានពន្យារពេល ដោយសារការកើនឡើងនៃករណី COVID-19 ក៏ដោយ។នេះបើយោងលើលីគកំពូលមួយនេះបានប្រកាសបន្ទាប់ពីកិច្ចប្រជុំរវាងក្រុមទាំងអស់កាលពីថ្ងៃចន្ទ។
ការប្រកួតក្របខ័ណ្ឌ Premier League ចំនួន១០ត្រូវបានពន្យារពេលក្នុងខែនេះដោយសារតែការផ្ទុះឡើងចំពេលមានការប្រកួតដ៏មមាញឹកដែលក្រុមនានាត្រូវបានកំណត់ឱ្យលេង៣ដងនៅចន្លោះថ្ងៃ Boxing Day (ថ្ងៃបុណ្យណូអែល) និងថ្ងៃទី៣ ខែមករា។
ក្របខ័ណ្ឌ Premier League បានចេញសេចក្តីថ្លែងការណ៍ភ្លាមៗបន្ទាប់ពីកិច្ចប្រជុំថា កំណត់ត្រានៃករណីឆ្លង COVID-19 ថ្មីចំនួន៩០ត្រូវបានរកឃើញក្នុងចំណោមកីឡាករ និងបុគ្គលិកកាលពីសប្តាហ៍មុន ដែលជាការកើនឡើងគួរឱ្យកត់សម្គាល់ពីចំនួនសរុបចំនួន៤២នៅមុននៅថ្ងៃទី៦-១២ខែធ្នូ។
លីគបានប្រកាសនៅក្នុងសេចក្តីថ្លែងការណ៍មួយថា “សុវត្ថិភាពរបស់អ្នករាល់គ្នាគឺជាអាទិភាពមួយ ហើយ Premier League កំពុងចាត់វិធានការប្រុងប្រយ័ត្នទាំងអស់ ទាក់ទងនឹងការកើនឡើងថ្មីៗនៃករណី COVID-19 នៅទូទាំងប្រទេស”។ មានតែការប្រកួតចំនួន៤ប៉ុណ្ណោះក្នុងចំណោមការប្រកួត១០នៅចុងសប្តាហ៍ត្រូវបានលេង បន្ទាប់ពីក្រុមនានាបានប្រាប់ Premier League ថាពួកគេបាត់កីឡាករដោយសារតែឆ្លង COVID-19 ។ក្របខ័ណ្ឌ Premier League ផ្តល់ការពន្យារពេល ប្រសិនបើក្លិបមានកីឡាករតិចជាង១៤នាក់ប៉ុណ្ណោះ ដោយក្រុមប្រឹក្សាភិបាលពិនិត្យសំណើតាមករណីនីមួយៗ។
Premier League បានបន្តថា “ខណៈដែលការទទួលស្គាល់ក្លិបមួយចំនួនកំពុងជួបប្រទះការផ្ទុះឡើង និងបញ្ហាប្រឈមនៃ COVID-19 វាគឺជាចេតនារួមរបស់លីគក្នុងការបន្តកាលវិភាគការប្រកួតបច្ចុប្បន្នដែលអាចធ្វើទៅបានដោយសុវត្ថិភាព។
បញ្ហាជាច្រើនត្រូវបានពិភាក្សានៅក្នុងកិច្ចប្រជុំនៅរសៀលនេះ រួមទាំងការសម្របខ្លួននៃដំណើរការពន្យារពេល Premier League COVID-19 ដើម្បីឆ្លើយតបទៅនឹងផលប៉ះពាល់វីរុសបំប្លែងថ្មី Omicron។ លីគក៏បានបញ្ជាក់ទៅកាន់ក្លិបរបស់ខ្លួននៅថ្ងៃនេះថា ៩២%នៃកីឡាករ និងបុគ្គលិកក្លិបបានទទួលការចាក់វ៉ាក់សាំង COVID-19 មួយ ពីរ ឬ៣ដូសជាមួយនឹង៨៤%នៃកីឡាករក្នុងដំណើរចាក់វ៉ាក់សាំង”។
សមាគមបាល់ទាត់អង់គ្លេស (FA) បានឲ្យដឹងដែរថា ការប្រកួត FA Cup ឡើងវិញក្នុងជុំទី៣ និងទី៤ ត្រូវបានលុបចោល ដើម្បីជួយជម្រះការប្រកួតឡើងវិញបន្ទាប់ពីការពន្យារពេលជាច្រើនដង។ FA បន្តថា ការប្រកួតជុំទី៣និងទី៤នៃការប្រកួតក្នុងរដូវកាលនេះនឹងត្រូវលេងរហូតដល់ចប់នៅថ្ងៃនោះជាមួយនឹងម៉ោងបន្ថែម។ ទោះជាយ៉ាងណាក៏ដោយលីគបាល់ទាត់អង់គ្លេស (EFL) ដែលរៀបចំការប្រកួត League Cup បានឲ្យដឹងថាការប្រកួតរបស់ខ្លួននឹងត្រូវលេងតាមការគ្រោងទុក។ វគ្គពាក់កណ្តាលផ្តាច់ព្រ័ត្រ League Cup ត្រូវបានលេងពីរជើងក្នុងខែមករា។ ការប្រកួតវគ្គ១/៤ផ្តាច់ព្រ័ត្រនៃការប្រកួតដែលមានក្រុមចំនួន៧ក្នុងក្របខ័ណ្ឌ Premier League នឹងត្រូវប្រកួតនៅសប្តាហ៍នេះ ៕
ដោយ ៖ ភារៈ(រូបភាព ៖ BBC Sport)
