សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងប្រុសសិស្សសាលាម្នាក់បានរងរបួសធ្ងន់ត្រូវបានរថយន្តសង្គ្រោះឯកជនដឹកយកទៅព្យាបាលភ្លាមៗ ខណៈដែលជិះម៉ូតូចេញពីសាលាត្រូវរថយន្តមន្ទីរសម្រាកព្យាបាល សុខហេង អង្គស្នួល ដឹកអ្នកជំងឺទៅព្យាបាលបេីកបញ្ច្រាសទិសចរាចរណ៍ជ្រុលទៅបុកកាលពីវេលាម៉ោង១១ ព្រឹកថ្ងៃទី១២ ខែមករា ឆ្នាំ២០២២ នៅចំណុចមុខប៉ុស្តិ៍នគរបាលរដ្ឋបាលកាកាបទី១ តាមបណ្តោយមហាវិថីសហព័ន្ធរុស្ស៊ី ស្ថិតក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញក្មេងប្រុសម្នាក់ជិះម៉ូតូម៉ាកឃ្លីក ពណ៌ស ពាក់ស្លាកលេខភ្នំពេញ1IE-8061 ធ្វេីដំណេីរក្នុងទិសដៅពីកេីតទៅលិច ខណៈមកដល់ចំណុចកេីតហេតុស្រាប់តែមានរថយន្តមន្ទីរសម្រាកព្យាបាល សុខហេង អង្គស្នួល បេីកបញ្ច្រាសទិសដៅចរាចរណ៍ប្រញាប់ដឹកអ្នកជំងឺម្នាក់ទៅមន្ទីរពេទ្យព្រះកុសុមៈហេីយបានបុកម៉ូតូពេញទំហឹងបណ្តាលឱ្យអ្នកជិះម៉ូតូរងរបួសធ្ងន់។
ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់មន្ទីរពេទ្យឯកជនមកទទួលយកទៅព្យាលបាល។ ចំពោះអ្នកជំងឺនៅក្នុងរថយន្តមន្ទីរសម្រាកព្យាបាលសុខហេង អង្គស្នួលត្រូវបានហៅរថយន្តមួយគ្រឿងទៀតមកដឹកបន្តយកទៅព្យាបាល។ ដោយឡែករថយន្តបង្កនិងម៉ូតូត្រូវបានសមត្ថកិច្ចធ្វេីការវាសវែងយកទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
