សារព័ត៌មាន នគរវត្ត តែងតែនាំមុខគេជានិច្ច
មន្ត្រីនៅទីក្រុង Sao Paulo បាននិយាយថា ប៉ូលិសប្រេស៊ីលបានចាប់ខ្លួនបុរសម្នាក់ដែលពួកគេជឿថា បានលួចចូលគណនីធនាគាររបស់ខ្សែប្រយុទ្ធ Neymar ម្តងហើយម្តងទៀតដោយបានលួចលុយចំនួនជាង៤០,០០០ដុល្លារអាមេរិក។
ប៉ូលិសបាននិយាយថា ចោរលួចចូលទៅ Hack ក្នុងគណនេយ្យធនាគារដែលមិនបានបញ្ចេញឈ្មោះជាកន្លែងដែលកីឡាករក្រុម Paris St Germain និងជាជម្រើសជាតិប្រេស៊ីល។ សេចក្តីថ្លែងការណ៍របស់ប៉ូលិសបាននិយាយថា ពួកគេបានចាប់ខ្លួនបុរសអាយុ២០ឆ្នាំកាលពីថ្ងៃពុធ “ពីបទឆបោកអតិថិជនធនាគារ”។
ទោះបីជាប៉ូលីសមិនបានបញ្ចេញឈ្មោះកីឡាករក្នុងសេចក្តីថ្លែងការណ៍ក៏ដោយ ក៏មន្ត្រីទទួលបន្ទុកករណីនេះបាននិយាយថា វាគឺជាកីឡាករNeymar ហើយបានពន្យល់ពីរបៀបដែលការលួចដែលបានចោទប្រកាន់នេះបានកើតឡើងចំពោះកម្មវិធីទូរទស្សន៍ប្រេស៊ីល Brasil Urgente ។
ប៉ូលិសបញ្ជាក់ថា គាត់ទទួលបានលេខសម្ងាត់របស់មិត្តរួមការងារការិយាល័យរបស់គាត់ ហើយបានលួចលុយមួយចំនួនតូចពីមនុស្សល្បីៗដែលមានទ្រព្យសម្បត្តិសុទ្ធខ្ពស់។ មនុស្សទាំងនេះមិនបានកត់សម្គាល់ទេគាត់បានផ្ទេរប្រាក់ចំនួន១,៩១២.៥៩ដុល្លារអាមេរិក រហូតមានការបាត់បង់លុយក្នុងគណនីធនាគារតែម្តង។ គណនីដែលរងផលប៉ះពាល់គឺជារបស់ Neymar ហើយឪពុករបស់គាត់ទំនងជាគ្រប់គ្រងមូលនិធិនេះ។
នៅពេលពួកគេរកឃើញ ពួកគេបានទូរស័ព្ទទៅធនាគារ។ ធនាគារបានសងសំណងទៅជនរងគ្រោះវិញ ហើយបានស៊ើបអង្កេតថា នរណាជាអ្នកនៅពីក្រោយខ្នងនោះ។ ជុំវិញព័ត៌មានខាងលើនេះតំណាង ឬម្ចាស់គណនីផ្ទាល់គឺកីឡាករ Neymar មិនបានធ្វើអត្ថាធិប្បាយជុំវិញករណីនេះទេ ៕
ដោយ៖ ភារៈ(រូបភាព ៖ Reuters/CNA)
