សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ កម្លាំងនគរបាលស្រុកបាណន់សហការជាមួយកម្លាំងនគរបាលប៉ុស្តិ៍រដ្ឋបាល បាយដំរាំ បានធ្វើការបង្ក្រាបករណីល្បែងស៊ីសងខុសច្បាប់ (អាប៉ោង) ០១ករណី នៅចំណុចភូមិក្រឡាពាល ឃុំបាយដំរាំ ស្រុកបាណន់កាលពីវេលាម៉ោង៤និង១០នាទីរសៀលថ្ងៃទី១៨ ខែកុម្ភៈ ឆ្នាំ២០២២ ។
ការបង្រ្កាបនេះសមត្ថកិច្ចបានឃាត់ខ្លួនបុរសវ័យចំណាស់៣នាក់និងដកហូតវត្ថុតាងរួមមាន -មេអាប៉ោង ១គ្រាប់ -ចានសម្រាប់បាញ់អាប៉ោង ០១ -ប៉ាយលេខអាប៉ោង ០១ផ្ទាំង -សន្លឹកបៀរ ០១ហ៊ូ -ស្បែកជើង ០២សម្រាប់ -ម៉ូតូចំនួន ០២គ្រឿង (ម៉ូតូចាស់) ។ ក្រៅពីនេះអ្នកនិយមលេងល្បែងស៊ីសងដទៃទៀតបានដឹងខ្លួនមុននាំគ្នាគេចខ្លួនបាត់។
សមត្ថកិច្ចបានឲ្យដឹងថា ក្រោយឃាត់ខ្លួនបុរសវ័យចំណាស់ទាំងបីនាក់នេះ សមត្ថកិច្ចបានធ្វើការអប់រំឲ្យពួកគាត់បញ្ឈប់លេងល្បែងស៊ីសងជាបន្តទៀត រួចទើបឱ្យកូនចៅមកធានាត្រឡប់ទៅផ្ទះវិញ៕
ដោយ ៖ ប្រាថា្ន
