សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ប្រជាពលរដ្ឋក្នុងភូមិព្រៃទា១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ មានការសារទយ៉ាងខ្លាំងចំពោះរដ្ឋបាលសាលាសង្កាត់ចោមចៅទី៣ បានផ្តល់ផ្លូវបេតុងមួយខ្សែដេីម្បីងាយស្រួលធ្វេីដំណេីររួមទាំងប្រកបអាជីវកម្ម។
នៅរសៀលថ្ងៃទី២១ ខែមីនា ឆ្នាំ២០២២ លោក វ៉ា សាវឿន ចៅសង្កាត់ចោមចៅទី៣ ចៅសង្កាត់រង បានដឹកនាំក្រុមការងារ ចុះពិនិត្យការដ្ឋានស្ថាបនាផ្លូវបេតុងមួយខ្សែ ក្នុងមូលដ្ឋានដេីម្បីងាយស្រួលដល់បងប្អូនប្រជាពលរដ្ឋធ្វេីដំណេីរ។
លោក វ៉ា សាវឿន ចៅសង្កាត់ចោមចៅទី៣ បានឲ្យដឹងថា ផ្លូវដែលកំពុងស្ថាបនាខាងលេីមានប្រវែងបណ្តោយជិត១.០០០ម៉ែត្រ ទទឹង៥ម៉ែត្រ ហេីយនេះជាថវិកាមូនិធិអភិវឌ្ឍភូមិសង្កាត់ចោមចៅទី៣។
លោកចៅសង្កាត់បន្តថា កន្លងមកឃេីញផ្លូវខាងលើពិបាកការប្រកបអាជីវកម្មនឹងការធ្វេីដំណេីររបស់បងប្អូនប្រជាពលរដ្ឋក្នុងមូលដ្ឋានទេីបលោកបានផ្តល់ជាផ្លូវបេតុងមួយខ្សែដេីម្បីសម្រាលការលំបាកដល់បងប្អូនប្រជាពលរដ្ឋ។
ក្នុងឱកាសនេះផងដែរ លោកបានសំណូមពរដល់បងប្អូនទាំងអស់ជួយថែរក្សាផ្លូវខាងលេីឲ្យបានគង់វង់យូរអង្វែង៕
ដោយ៖សុខា សែនជ័យ
