សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានផឹកស្រាស្រវឹង ហេីយបេីករថយន្តស៊េរីទំនេីបម៉ាក NiSSAN PATHFINDER ជ្រុលទៅបុកម៉ូតូសណ្ដោងរុឺម៉កដឹកដូងពីក្រោយបណ្ដាលឱ្យរងការខូចខាត រួចព្យាយាមបេីករត់ តែត្រូវប្រជាពលរដ្ឋជួយដេញឃាត់ជាប់ ។ ហេតុការណ៍នេះបានកេីតឡេីងកាលពីវេលាម៉ោង១០និង២០នាទីយប់ថ្ងៃទី២១ ខែមីនា ឆ្នាំ២០២២ នៅតាមបណ្ដោយផ្លូវលេខ២៧១ ក្នុងសង្កាត់បឹងទំពុនទី១ ខណ្ឌមានជ័យ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុបុរសរងគ្រោះបានបេីកម៉ូតូសណ្ដោងរុឺម៉កដឹកដូងមកឈប់អែបចិញ្ចេីមផ្លូវនៅត្រង់ចំណុចកេីតហេតុ ខណៈនោះក៏មានបុរសម្នាក់ដែលស្រវឹងស្រាជោកជាំបានបេីករថយន្តស៊េរីទំនេីបម៉ាក NiSSAN PATHFINDER ពណ៌ស ពាក់ស្លាកលេខ រដ្ឋ22 ,2.3923 ស្របទិសគ្នាមិនប្រុងប្រយ័ត្នក៏ជ្រុលទៅបុករុឺម៉កដឹកដូងពីក្រោយបណ្ដាលឱ្យរងការខូចខាត តែមិនបង្កឱ្យមានមនុស្សរងរបួសឡេីយ ។
ក្រោយកេីតហេតុភ្លាមៗ រថយន្តបង្កមិនឈប់ទទួលខុសត្រូវនោះទេ គឺព្យាយាមបេីករត់ជាច្រេីនរយម៉ែត្រទេីបត្រូវជនរងគ្រោះនិងប្រជាពលរដ្ឋជួយដេញតាមឃាត់បាន ។ បន្ទាប់មកសមត្ថកិច្ចមូលដ្ឋានបានចុះមកដល់ និងបានសម្របសម្រួលដល់ភាគីទាំងសងខាងដេីម្បីឲ្យត្រូវគ្នា ហើយចុងក្រោយភាគីបង្កព្រមចេញថ្លៃជួសជុលទៅលេីភាគីម៉ូតូសណ្ដោងរុឺម៉កដេីម្បីបញ្ចប់រឿង ៕
ដោយ ៖ ភារ៉ា ដង្កោ
