សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តមួយគ្រឿង ម៉ាកស៊ាំយ៉ុង ខណៈដែលអ្នកបើកបរ បេីកខ្វះការប្រុងប្រយ័ត្នក្នុងល្បឿនលឿន រហូតបាត់បង់ម្ចាស់ការ ក៏ជ្រុលចង្កូតទៅបុកម៉ូតូសណ្ដោងរ៉ឺម៉ក ពីក្រោយយ៉ាងពេញទំហឹង បណ្ដាលឱ្យនារីម្នាក់ស្លាប់ភ្លាមៗនៅនឹងកន្លែងកើតហេតុ។
ករណីគ្រោះថ្នាក់ចរាចរណ៍នេះ បានកើតឡើងនៅព្រឹកថ្ងៃទី២៣ ខែមីនា ឆ្នាំ២០២២ តាមបណ្តោយផ្លូវលេខ៥៩ ចន្ន្លោះបង្គោលគីឡូម៉ែត្រលេខ ៩៦ និង ៩៧ ត្រង់ចំណុចក្រុមទី៤ ភូមិអូចម្លង ឃុំតាសែន ស្រុកកំរៀង ខេត្តបាត់ដំបង។
សពនារីរងគ្រោះមានឈ្មោះ ស្រស់ អាយុ២២ឆ្នាំ រស់នៅភូមិដីក្រហម ឃុំតាសែន ស្រុកកំរៀង។
បើតាមប្រភពព័ត៍មានពីប្រជាពលរដ្ឋដែលឃេីញហេតុការណ៍ខាងលេីនេះ បានឱ្យដឹងថា មុនពេលកើតហេតុ គេឃើញនារីរងគ្រោះ បានជិះម៉ូតូសណ្តោងរ៉ឺម៉ក ម៉ាក MD ពណ៌ក្រហម ក្នុងទិសដៅពីខាងត្បូង ទៅខាងជើង លុះដល់ចំណុចកើតហេតុ ត្រូវរថយន្តមួយគ្រឿង ម៉ាកស៊ាំយ៉ុង ពាក់ស្លាកលេខ ភ្នំពេញ ២J-៥១៩៧ ដែលធ្វើដំណើរ ក្នុងទិសដៅស្របគ្នា ក្នុងល្បឿនយ៉ាងលឿន ហើយបាត់ការគ្រប់គ្រង បានបុកបំពានលើម៉ូតូ នៅខាងមុខពេញទំហឹង បណ្តាលឲ្យប៉ើងទាំងម៉ូតូ ទាំងម្ចាស់ ស្លាប់ភ្លាមៗតែម្តង។
ក្រោយកើតហេតុ គេឃើញសាច់ញាតិនារីរងគ្រោះ បានមកទទួលយកសពទៅធ្វើបុណ្យតាមប្រពៃណី។ ចំណែកវត្ថុតាងទាំងរថយន្ត ទាំងម៉ូតូរក្សាទុកនៅអធិការដ្ឋាននគរបាលស្រុក ដើម្បីកោះហៅម្ចាស់រថយន្តឱ្យចូលខ្លួនមកដោះស្រាយតាមច្បាប់៕
ដោយ៖សហការី
