សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តស្ទូចមួយគ្រឿងខណៈកំពុងស្ទូចទូកុងតឺន័រចុះពីលើរថយន្តក៏ស្រាប់តែបាក់ជេីងជ្រែងធ្វើឱ្យក្រឡាប់ផ្ងារជេីងសង្កត់ទៅលេីរបងថ្មបណ្តាលឱ្យបាក់អស់ជាច្រេីនផ្ទាំង តែមិនមានមនុស្សរងរបួសនោះទេ។
ហេតុការណ៍នេះបានកេីតឡេីងកាលពីវេលាម៉ោង៨យប់ ថ្ងៃទី៣០ ខែមីនា ឆ្នាំ២០២២ នៅចំណុចផ្លូវបេតុង ក្នុងភូមិព្រៃបឹង សង្កាត់កន្ទោក ខណ្ឌកំបូល រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុម្ចាស់ដីឡូត៍បានឱ្យរថយន្តស្ទូចដឹកទូកុងតឺន័រមកដាក់ក្នុងដីឡូត៍នោះហើយខណៈកំពុងស្ទូចលេីកទូចេញពីលើរថយន្តស្រាប់តែបាក់ជេីងជ្រែងមួយចំហៀងធ្វេីឱ្យរថយន្តក្រឡាប់សង្កត់ទៅលេីរបងថ្មបាក់អស់ជាច្រេីនផ្ទាំង តែសំណាងដែរដែលមិនមានមនុស្សរងរបួស។
ក្រោយកេីតហេតុសមត្ថកិច្ចបានចុះមកដល់ពិនិត្យជាក់ស្តែងឃើញមិនមានប៉ះពាល់ទ្រព្យសម្បត្តិអ្នកដទៃទេីបម្ចាស់សុំស្ទូចរថយន្តទៅជួសជុលដោយខ្លួនឯង៕
ដោយ៖សុខាសែនជ័យ
