សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ អគ្គិភ័យបានឆាបឆេះផ្ទះមួយកន្លែងនៅវេលាម៉ោង១០:៣០នាទីព្រឹក ថ្ងៃទី១១ ខែមេសា ឆ្នាំ២០២២ ស្ថិតនៅផ្ទះលេខ២៣១ ផ្លូវលេខ៥៩៨ ក្នុងភូមិទំនប់១ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ នេះបើយោងតាមការបញ្ជាក់ឱ្យដឹងពីផេកស្នងការដ្ឋាននគរបាលរាជធានីភ្នំពេញ។
ផេកស្នងការដ្ឋាននគរបាលរាជធានីភ្នំពេញ បានបញ្ជាក់ថា, ហេតុការណ៍អគ្គិភ័យឆាបឆេះផ្ទះនេះបណ្តាលមកពីបោះកន្ទុយបារីបង្កជាអគ្គិភ័យ ហើយធ្វើឱ្យឆេះក្រដាសឡាំង, ខ្សែភ្លេីងអស់មួយចំនួន តែពុំបណ្ដាលឱ្យឆេះរាលដាលដល់អ្នកជិតខាងឡើយ។
ផេកស្នងការដ្ឋាននគរបាលរាជធានីភ្នំពេញ បានបន្តថា នៅវេលាម៉ោង១១:៥០នាទី ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញចំនួន២គ្រឿង ប្រេីប្រាស់ទឹកអស់ចំនួន២ឡានស្មើនឹង ៨ម៉ែត្រគូប៕
ដោយ ៖ សិលា
