សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅព្រឹកថ្ងៃទី១៨ ខែមេសា ឆ្នាំ២០២២ ស្ថានឯកអគ្គរាជទូតជប៉ុនប្រចាំព្រះរាជាណាចក្រកម្ពុជា បានបង្ហោះលើផេកផ្លូវការរបស់ខ្លួនថា សូមអបអរសាទរចំពោះលោក ស៊ូ សំអឿន ដែលជានិស្សិតម្នាក់ក្នុងចំណោមនិស្សិតអាហារូបករណ៍រដ្ឋាភិបាលជប៉ុនក្នុងឆ្នាំសិក្សា ២០២១ ដែលលោកកំពុងសិក្សាមុខជំនាញផ្នែកមនុស្សសាស្ត្រ និងវិទ្យាសាស្ត្រសង្គម។ លោកត្រូវទៅប្រទេសជប៉ុនដើម្បីធ្វើការសិក្សានៅឯសាកលវិទ្យាល័យហ៊ីរ៉ូស៊ីម៉ាក្នុងឆ្នាំ២០២១ ប៉ុន្តែដោយឥទ្ធិពលនៃជំងឺកូវីដ-១៩ លោកត្រូវសិក្សាតាមរយៈអនឡាញជំនួសវិញ។
ស្ថានឯកអគ្គរាជទូតជប៉ុនប្រចាំព្រះរាជាណាចក្រកម្ពុជាបានបន្យថា ឥឡូវនេះ យើងពិតជារីករាយក្រៃលែងដែលលោកបានធ្វើដំណើរទៅប្រទេសជប៉ុនដើម្បីបន្តការសិក្សានាថ្ងៃទី១៦ ខែមេសា ឆ្នាំ ២០២២។
ស្ថានទូតជប៉ុនសូមសម្តែងការស្ញប់ស្ញែង ចំពោះការអត់ធ្មត់របស់លោកក្នុងការរង់ចាំដល់ថ្ងៃចេញដំណើរ ក៏ដូចជាការខិតខំប្រឹងប្រែងក្នុងការសិក្សាថ្នាក់អនឡាញ។
យើងសូមជូនពរលោកឱ្យបានជោគជ័យគ្រប់ប្រការ ៕
ដោយ : សិលា
