សារព័ត៌មាន នគរវត្ត តែងតែនាំមុខគេជានិច្ច
ខ្សែបម្រើស្លាបសញ្ជាតិអ៊ុយក្រែន Andriy Yarmolenko គ្រោងនឹងចាកចេញពីក្លិបញញួរធំ West Ham នៅពេលកុងត្រារបស់គេអស់នៅចុងខែមិថុនា ឆ្នាំ២០២២ខាងមុខនេះ។ កីឡាករវ័យ៣២ឆ្នាំរូបនេះគឺជាអ្នករកចំណូលបានច្រើនជាងគេរបស់ West Ham ហើយអ្នកចាត់ការលោកDavid Moyes បានធ្វើការសម្រេចចិត្តអនុញ្ញាតឱ្យគាត់ចាកចេញនៅចុងបញ្ចប់នៃកិច្ចព្រមព្រៀងរបស់គាត់។
កីឡាករ Yarmolenko គឺជាផ្នែកមួយនៃការចំណាយដ៏ធំក្រោមការដឹកនាំរបស់អតីតគ្រូបង្វឹកលោក Manuel Pellegrini និងមានតម្លៃ១៧.៥លានផោននៅពេលដែលគាត់បានមកពី Borussia Dortmund ក្នុងឆ្នាំ២០១៨។ គាត់បានបង្ហាញខ្លួន៣០លើកសម្រាប់ក្រុម West Ham ក្នុងរដូវកាលនេះ ដោយស៊ុតបញ្ចូលទីបាន៣គ្រាប់។
គ្រាប់បាល់ពីររបស់គាត់ទល់នឹងក្រុម Aston Villa និង Sevilla បានកើតឡើងបន្ទាប់ពីការត្រលប់មកវិញដ៏រំជួលចិត្តរបស់គាត់បន្ទាប់ពីក្លិបបានផ្តល់ពេលវេលាឱ្យគាត់ដើម្បីដោះស្រាយបញ្ហាដែលកើតឡើងពីការឈ្លានពានអ៊ុយក្រែនដោយប្រទេសរុស្ស៊ី។ ចំណែកក្នុងជម្រើសជាតិវិញ កីឡាករ Yarmolenko លេងបាន១០៦ប្រកួតឱ្យអ៊ុយក្រែន។
លោក Moyes កំពុងសម្លឹងមើលវិធីនៃការរៀបចំក្រុមរបស់គាត់ឡើងវិញ បន្ទាប់ពីយុទ្ធនាការលើកទឹកចិត្តមួយ ក្រោយពីការបរាជ័យរបស់ក្រុមWolves ដោយក្រុម Manchester City ទុកឱ្យពួកគេត្រូវការត្រឹមតែ២ពិន្ទុប៉ុណ្ណោះពីការប្រកួត២ចុងក្រោយរបស់ពួកគេ ដើម្បីធានាបាននូវការប្រកួតជម្រុះនៅទ្វីបអឺរ៉ុបរដូវកាលក្រោយតាមរយៈតំណែងលីគរបស់ពួកគេក្នុងរដូវកាលជាប់ៗគ្នាជាលើកដំបូងនៅក្នុងប្រវត្តិសាស្ត្ររបស់ក្លិប ៕
ដោយ៖ ភារៈ(រូបភាព ៖ BBC Sport)
