សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ ៖ មានករណីគ្រោះថ្នាក់ចរាចរណ៍មួយកើតឡើងបង្កដោយខ្លួនឯង លើដងផ្លូវជាតិលេខ៤ ត្រង់ចន្លោះបង្គោលគីឡូម៉ែត្រលេខ២០២-២០៣ ស្ថិតក្នុងភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ នៅព្រឹកថ្ងៃទី១៩ ខែឧសភា ឆ្នាំ២០២២នេះ ។
តាមព័ត៌មានបឋមបានបញ្ជាក់ថា រថយន្ដម៉ាក LEXUS RX៣០០ ពណ៌ខ្មៅ ពាក់ស្លាកលេខ កណ្ដាល 2A-4696 បើកបរដោយបុរសម្នាក់ធ្វើដំណើរពីភ្នំពេញទៅខេត្តព្រះសីហនុ លុះមកដល់ចំណុចខាងលើ រថយន្ដបានរេចង្កូតមកខាងស្ដាំ ហើយអ្នកបើកបរបានទាញចង្កូតមកខាងឆ្វេងដៃវិញក៏ជ្រុលទៅបុកដើមអាកាស្យា បណ្ដាលឲ្យធ្លាក់ផ្លូវតែម្ដង។
សមត្ថកិច្ចបានឱ្យដឹងថា ករណីគ្រោះថ្នាក់ចរាចរណ៍ខាងលើនេះមិនបណ្ដាលឱ្យមនុស្សរងរបួសទេ។ រថយន្ដខាងលើកំពុងស្វែងរករថយន្ដស្ទូច ដើម្បីស្ទូចចេញពីកន្លែងកើតហេតុយកទៅជួសជុល៕
ដោយ ៖ សហការី
