សារព័ត៌មាន នគរវត្ត តែងតែនាំមុខគេជានិច្ច
កីឡាករឆ្នើម Rafael Nadal បានឈ្នះការប្រកួត French Open ឡើងវគ្គ១/៤ផ្តាច់ព្រ័ត្រទល់នឹងគូប្រជែងកីឡាករលំដាប់លេខ១ពិភពលោកNovak Djokovic ជាមួយនឹងការទទួលជ័យជម្នះ៥សិតលើកីឡាករ Felix Auger-Aliassime ។
កីឡាករអេស្ប៉ាញ Nadal វ័យ៣៥ឆ្នាំ បានចាញ់សិតជាលើកដំបូងក្នុងព្រឹត្តិការណ៍ឆ្នាំនេះ ប៉ុន្តែបានងើបឡើងវិញក្នុងលទ្ធផល ៣-៦ ៦-៣ ៦-២ ៣-៦ ៦-៣។ ចំណែកកីឡាករកំពូល Djokovic បានបង្កើតកម្រិតដ៏ល្អបំផុតរបស់គាត់រហូតមកដល់ពេលនេះក្នុងការប្រកួតដើម្បីផ្តួលកីឡាករទី១៥ពិភពលោក Diego Schwartman ក្នុងលទ្ធផល 6-1 6-3 6-3 ។
ដោយឡែកកីឡាករ Carlos Alcaraz និង Alexander Zverev ក៏នឹងត្រូវជួបគ្នាក្នុងវគ្គ៨ក្រុមចុងក្រោយផងដែរ បន្ទាប់ពីពួកគេម្នាក់ៗដណ្តើមបានជ័យជម្នះជាប់ៗគ្នា។ កីឡាករលេខ៦ Alcaraz វ័យ១៩ឆ្នាំបានយកឈ្នះលើកីឡាករ Karen Khachanov ក្នុងលទ្ធផល 6-1 6-4 6-4 ខណៈដែលកីឡាករលេខ៣ Zverev បានយកឈ្នះក្នុងលទ្ធផល 7-6 (13-11) 7-5 6-3 ទោះបីជាមានទម្រង់លេងមិនសូវល្អទល់នឹងការប្រកួតជម្រុះជាមួយកីឡាករ Bernabe Zapata Miralles ក៏ដោយ។
ការចាប់ឆ្នោតវគ្គ៨ក្រុមចុងក្រោយកម្មវិធីវាយតឺន្នីស French Open គឺការជួបគ្នារវាង Nadal និង Djokovic សម្រាប់កំណត់ត្រាបុរសលើកទី៥៩។កីឡាករលេខ៥ Nadal បានជួសជុលការជួបគ្នាដោយការផ្តួលកីឡាករលេខ៩ Felix Auger-Aliassime សម្រាប់ការឈ្នះលើកទី១០៩របស់គាត់ក្នុង១១២ប្រកួតនៅ French Open ។
ម្ចាស់ជើងឯក១៤សម័យរូបនេះបាននិយាយក្រោយចប់ការប្រកួតថា “វាជាជ័យជម្នះដ៏សំខាន់សម្រាប់ខ្ញុំដោយគ្មានការសង្ស័យ។ ខ្ញុំចាប់ផ្តើមការប្រកួតមិនបានល្អ ខ្ញុំមានឱកាសច្រើនក្នុងការនាំមុខ បន្ទាប់ពីត្រឡប់មកវិញក្នុងពីរបន្ទាប់ ខ្ញុំបានបញ្ចប់ការប្រកួតទី៣កាន់តែប្រសើរ។ ខ្ញុំសប្បាយចិត្តខ្លាំងណាស់ជាមួយនឹងជ័យជម្នះនេះ ពីព្រោះខ្ញុំអាចលេងបានកាន់តែស៊ីជម្រៅ និងឈានទៅរកការលេងកាន់តែល្អ។ វាបានធ្វើឱ្យមានការផ្លាស់ប្តូរដោយគ្មានការសង្ស័យ” ៕
ដោយ៖ ភារៈ(រូបភាព ៖ BBC Sport)
