សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង ៖ យោងតាមរបាយការណ៍របស់លោកអធិការដ្ឋាននគរបាលស្រុគាស់ក្រឡបានឲ្យដឹងថា÷កាលពីថ្ងៃ ពុធ២កេីតខែជេស្ឋឆ្នាំខាលចត្វាស័ក ព.ស.២៥៦៦ត្រូវនឹងថ្ងៃទី០១ ខែ មិថុនាឆ្នាំ២០២២ អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបងរួមនឹងយោបល់របស់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ លោកវរសេនីយ៍ឯក ប៉ាង ហៀង អធិការនគរបាលស្រុកគាស់ក្រឡ បានដឹកនាំធ្វេីការឃាត់ខ្លួនមុខសញ្ញាជាជនសង័្សយចំនួន០១នាក់ឈ្មោះ ឆាយ សុញៀន ភេទប្រុសអាយុ៣០ឆ្នាំមានទីលំនៅភូមិរ៉ា ឃុំធិបតី ស្រុកគាស់ក្រឡ ខេត្តបាត់ដំបង មកកាន់អធិការដ្ឋាននគរបាលស្រុកដេីម្បីធ្វេីសាកសួរទាក់ទងនឹងករណីលួចទ្រព្យសម្បត្តិអ្នកដទៃនៅក្នុងមូលដ្ឋាន ដោយក្នុងនោះសមត្ថកិច្ចដកហូតបានគោយន្តកន្រ្តៃយ៍មានសណ្តោងរុឺម៉កចំនួន០១គ្រឿង។
លោកអធិការបានបន្តថា÷ករណីនេះដោយមូលហេតុដែលឈានដល់ការឃាត់ខ្លួននេះគឺកាលពីថ្ងៃទី៣១ ខែឧសភា ឆ្នាំ២០២២វេលាម៉ោង៦និង៣០នាទីឈ្មោះ ខន សំណាង ភេទប្រុស អាយុ២៩ឆ្នាំមានទីលំនៅភូមិ រ៉ា ឃុំ ធិបតី ស្រុកគាស់ក្រឡ ខេត្តបាត់ដំបង ត្រូវជនសង័្សយមិនស្គាល់អត្តសញ្ញាណធ្វេីសកម្មភាពលួចយកគោយន្តកន្រ្តៃយ៍មានសណ្តោងរុឺម៉កពីក្រោយយកទៅបាត់។
នៅពេលបន្ទាប់ពីកេីតហេតុជនរងគ្រោះបានដាក់ពាក្យបណ្តឹងមកសមត្ថកិច្ចនគរបាល ហេីយឆ្លងតាមរយៈការស្រាវជ្រាវស៊េីបអង្កេតនេះសមត្ថកិច្ចកំណត់មុខសញ្ញាបាននិងឈានដល់ការឃាត់ខ្លួន ជនសង័្សយនិងដកហូតវត្ថុតាងតែម្តង។
លោកបានបន្តទៀតថា÷ក្រោយពីឃាត់ខ្លួនរួចសមត្ថកិច្ចជំនាញក៏យកជនសង័្សយមកសួរនាំបន្ទាប់មកជនសង្ស័យបានឆ្លេីយសារភាពថា រូបគេពិតជាបានធ្វេីសកម្មភាពលួចយកគោយន្តរបស់ជនរងគ្រោះខាងលេីពិតប្រាកដមែន។
នៅពេលនេះជនសង័្សយត្រូវបានរៀបចំសំណុំរឿងបញ្ជូនមកការិយាល័យជំនាញអនុវត្តតាមផ្លូវច្បាប់ រីឯគោយន្តបានប្រគល់ជូនជនរងគ្រោះវិញហេីយ៕
ដោយ៖ស សារ៉េត
