សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីក្រសួងបរិស្ថាន បានឱ្យដឹងនៅរសៀលថ្ងៃអាទិត្យទី១៩ ខែមិថុនា ឆ្នាំ២០២២នេះ តាមឯកសារយោងរបស់សៀវភៅសត្វស្លាបនៃប្រទេសកម្ពុជាថា៖ ត្រសេះត្នោតចំពុះខ្មៅ Rufous Woodpecker ជាប្រភេទក្រុមបក្សីដែលរស់នៅតំបន់ព្រៃ ហេីយមានវត្តមានពេញមួយឆ្នាំ។
បក្សីត្រសេះត្នោតចំពុះខ្មៅឈ្មោល មានពណ៌ទឹកក្រូចចាស់ ខ្នងអង្គន់ខ្មៅ និងថ្ពាល់ក្រហមមួយដុំ។ ចំណែកឯបក្សីញីវិញ គ្មានដៅពណ៌ក្រហមនៅលើថ្ពាល់។ បក្សីប្រភេទនេះរស់នៅតាមព្រៃរបោះ និងព្រៃស្រោង។
គួរជម្រាបដែរថា ការបន្តពូជបក្សីត្រសេះត្នោតចំពុះខ្មៅ គឺចាប់ពីខែមករា រហូតដល់ខែមិថុនា ហេីយពងក្នុងរន្ធឈេីមានចំនួនពី ២ទៅ ៣ពង៕
ដោយ៖សហការី
