សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នៅថ្ងៃទី១២ ខែកក្កដា ឆ្នាំ២០២២ សម្តេចតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា បានបង្ហោះលើផេកផ្លូវការរបស់សម្តេច សំដែងនូវការ គោរព ដឹងគុណ អ្នកមានគុណ និងនឹកឪពុកម្តាយ ដែលមិនអាចភ្លេចជាដាច់ខាត នូវគុណអ្នកទាំង២បានផ្តល់កំណើត។
សម្តេចតេជោ ហ៊ុនសែន បានមានប្រសាសន៍ថា, ថ្ងៃនេះជាខួបលើកទី៩ឆ្នាំនៃមរណភាពឪពុរបស់ខ្ញុំ(១២កក្កដា២០១៣.១២កក្កដា២០២២)។
សម្តេចតេជោ នាយករដ្ឋមន្ត្រីនៃកម្ពុជា បានលើកឡើងទៀតថា, កូនគ្មានពាក្យអ្វីក្រៅពីពាក្យនឹកពុកនឹកម៉ែ នោះឡើយ។
សូមរម្លឹកផងដែរថា, លោក ហ៊ុន ណេង ដែលត្រូវជាបងប្រុសបង្កើតរបស់ សម្តេចតេជោ ហ៊ុនសែន នាយករដ្ឋមន្ត្រីនៃកម្ពុជា បានទទួលមរណភាពនៅល្ងាចថ្ងៃព្រហស្បតិ៍ ទី ៥ ខែឧសភា ឆ្នាំ២០២២ ដោយជំងឺបេះដូង។ ក្នុងនោះ លោក ហ៊ុន ណេង មានជន្មាយុ ៧២ ឆ្នាំ។
លោក ហ៊ុន ណេង បានបម្រើការងាររាជការក្នុងនាមជាតំណាងរាស្ត្រម្នាក់ប្រចាំខេត្តកំពង់ចាម និងជាប្រធានគណៈកម្មការទី ៤ នៃរដ្ឋសភាជាតិកម្ពុជា។
ពិធីបុណ្យសពរបស់លោក ហ៊ុន ណេង នឹងត្រូវបានរៀបចំឡើងនៅភូមិត្រពាំងចារ ឃុំក្រឡា ស្រុកកំពង់សៀម ខេត្តកំពង់ចាម៕
ដោយ ៖ សិលា
