សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន ៖ បើតាមប្រភពព័ត៌មានពីមន្ត្រីជំនាញប្រឆាំងគ្រឿងញៀននៃអធិការដ្ឋាននគរបាលស្រុកសាលាក្រៅបានឱ្យដឹងថា កាលពីវេលាម៉ោង១៣និង ១៥នាទី ថ្ងៃទី២១ ខែកក្កដា ឆ្នាំ២០២២ កម្លាំងផែនការងារប្រឆាំងគ្រឿងញៀននៃអធិការដ្ឋាននគរបាលស្រុកសាលាក្រៅ បានបង្រ្កាបជាក់ស្តែងករណីជួញដូរ និងប្រេីប្រាស់ដោយខុសច្បាប់នូវសារធាតុញៀន១កន្លែងនៅចំណុចចម្ការស្វាយក្បែរសៃឡូស៊ីឡេក ស្ថិតក្នុងភូមិកូនភ្នំ ឃុំអូរអណ្តូង ស្រុកសាលាក្រៅ ខេត្តប៉ៃលិន ដោយឃាត់ខ្លួនជនសង្ស័យម្នាក់ឈ្មោះ ថេង ចាន់ធា ភេទប្រុស អាយុ៣៣ឆ្នាំ មុខរបរកម្មករសំណង់ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
វត្ថុតាងដែលឆែកឆេរឃើញមាន៖
១-ម្សៅក្រាមសថ្លាសង្ស័យជាសារធាតុញៀនចំនួន០២កញ្ចប់
២-ទូរស័ព្ទអិនចុចពិល០១គ្រឿង
៣-ដែកកេះ០១ដេីម ។
មន្ត្រីនគរបាលជំនាញនៃអធិការដ្ឋានស្រុកបានបន្តទៀតថា បន្ទាប់ពីបានឃាត់ខ្លួនជនសង្ស័យម្នាក់ខាងលើមក កម្លាំងសមត្តកិច្ចក៏យកមកសួរនាំរកមុខសញ្ញាបក្ខពួកបន្ត។ ពេលសួរនាំរួច នៅវេលាម៉ោង១៥និង១០នាទី ថ្ងៃខែឆ្នាំដដែល កម្លាំងផែនការងារប្រឆាំងគ្រឿងញៀនបានបន្តនីតិវិធីចុះមកដល់ទីតាំងជួញដូរនិងប្រេីប្រាស់ដោយខុសច្បាប់នូវសារធាតុញៀននៅចំណុចលេីទួលក្រោយអគារហុងបូរ ស្ថិតនៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដោយបានឃាត់ខ្លួនជនសង្ស័យចំនួន០៣នាក់ គឺ ៖
១-ឈ្មោះ ប៊ុនរិទ្ធ សេរីរាង ហៅរៀម ភេទប្រុស អាយុ ៣៧ឆ្នាំ មុខរបររេីសអេតចាយ រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (បាត់អត្តសញ្ញាណប័ណ្ណ)
២-ឈ្មោះ មាន សារី ហៅ តួ ភេទប្រុស អាយុ២៥ឆ្នាំ មុខរបរមិនពិតប្រាកដ រស់នៅភូមិផ្សារព្រំ ឃុំស្ទឹងកាច់ ស្រុក សាលាក្រៅ ខេត្តប៉ៃលិន (បាត់អត្តសញ្ញាណប័ណ្ណ),
៣-ឈ្មោះ ខឿន ប៉ារីស ភេទប្រុស អាយុ២២ឆ្នាំ មុខរបរ មិនពិតប្រាកដ រស់នៅភូមិអូរឈេីក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (ធ្វេីអត្តសញ្ញាប័ណ្ណរួចតែមិនទាន់យកបាន)
វត្ថុតាងចាប់យក ៖
១-ម្សៅក្រាមសថ្លាសង្ស័យជាសារធាតុញៀនចំនួន០១កញ្ចប់ធំ
២-ឧបករណ៍សម្រាប់ប្រើប្រាស់ថ្នាំញៀនមួយចំនួន ។
បច្ចុប្បន្នជនសង្ស័យខាងលើត្រូវបានឃាត់ខ្លួននៅអធិការដ្ឋាននគរបាលស្រុកសាលាក្រៅដើម្បីបន្តនីតិវិធី៕
ដោយ៖ស សារ៉េត
