សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ឆ្នាំង៖ តាមរបាយការណ៍របស់ស្នងការដ្ឋាននគរបាលខេត្តកំពង់ឆ្នាំងនៅព្រឹកថ្ងៃចន្ទទី០៥ ខែកញ្ញា ឆ្នាំ២០២២នេះ បានឱ្យដឹងថា ដើម្បីទប់ស្កាត់បទល្មើសគ្រប់ប្រភេទ និងការពារសន្តិសុខ សុវត្ថិភាពជូនប្រជាពលរដ្នឱ្យបានល្អប្រសើរ កម្លាំងសមត្ថកិច្ចនគរបាលខេត្តកំពង់ឆ្នាំងបានចេញល្បាត និងដាក់គោលដៅចុះត្រួតពិនិត្យអាវុធគ្រឿងផ្ទុះ និងត្រួតពិនិត្យច្បាប់ចរាចរណ៍។
របាយការណ៍ដដែលបន្តថា អនុវត្តតាមបទបញ្ជារបស់លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង នៅយប់ថ្ងៃអាទិត្យទី០៤ ខែកញ្ញា ឆ្នាំ២០២២ ការិយាល័យជំនាញគ្រប់គ្រងអាវុធគ្រឿងផ្ទុះនិងជាតិពុល ការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្ត សហការជាមួយអធិការ
ដ្នាននគរបាលតាមបណ្តាក្រុងស្រុកនិង ក្រុមចម្រុះខេត្ត កម្លាំងប្រជាការពារ បានចេញល្បាតចុះត្រួតពិនិត្យអាវុធគ្រឿងផ្ទុះ និងត្រួតពិនិត្យច្បាប់ចរាចរណ៍ពេលយប់ តាមគោលដៅសំខាន់ៗក្នុងភូមិសាស្រ្ត ខេត្តកំពង់ឆ្នាំង ដេីម្បីកាត់បន្ថយគ្រោះថ្នាក់ចរាចរណ៍ណាមួយជាយថាហេតុ។
ជាក់ស្ដែងក្នុងប្រតិបត្តិការនោះកម្លាំងជំនាញបានអប់រំអ្នកធ្វើដំណើរកុំឱ្យបើកបរក្នុងស្ថានភាពស្រវឹង(មានជាតិអាល់កុល) ត្រូវពាក់មួកសុវត្ថិភាព មានកញ្ចក់មើលក្រោយ ពាក់ខ្សែក្រវាត់ ត្រូវមានស្លាកលេខ កុំឱ្យប្រើប្រាស់សុីម៉ាំងកែច្នៃ ផ្ទុកលើសទម្ងន់ ប្រើប្រាស់រថយន្តបំពាក់ភ្លើងខុសលក្ខណៈបច្ចេកទេស(តទ្រុង) និងអប់រំក្មេងៗដើរលេងពេលយប់មួយចំនួនទៀត៕
ដោយ៖អរុណរះ
