សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ ៖ លោកវរសេនីយ៍ឯក ឃួន ភិរុណ មេបញ្ជាការ កងការពារព្រំដែនគោកលេខ ៤០២ នៅព្រឹកថ្ងៃទី១៧ខែ កញ្ញា ឆ្នាំ២០២២ បានបន្តដាក់ចេញនូវបទបញ្ជា ដល់បណ្តាកងល្បាតចំណុះទាំងអស់ ត្រូវបន្តយកចិត្ដទុកដាក់ក្នុងការងារចេញល្បាត ល្បាតត្រួត ពិនិត្យភូមិសាស្រ្តត្រួតពិនិត្យ បង្គោលសីមា គ្រប់ចំណុចគោលដៅដែលបានកំណត់ទុក លើខ្សែបន្ទាត់ព្រំដែន កម្ពុជា-ថៃ ដើម្បីតាមដានសភាពការណ៍ និងទប់ស្កាត់ការលួចឆ្លងដែនខុសច្បាប់ ឬបទល្មើសផ្សេងៗ។
ក្នុងនោះដែរលោកមេបញ្ជាការ បានជំរុញឱ្យគ្រប់បណ្តាកងល្បាតទាំងអស់ត្រូវបង្កើនការដើរល្បាតអោយបានជាប់ជា ប្រចាំនិងធ្វើការត្រួសត្រាយសំអាតផ្លូវចល័តតាមខ្សែបន្ទាត់ព្រំដែនឱ្យបានល្អដើម្បីងាយស្រួលក្នុងការដើរល្បាតផងដែរ។
សូមជម្រាបថា កម្លាំងវរសេនាតូចនគរបាលការពារព្រំដែនគោកលេខ ៨២១ ខេត្តប៉ៃលិន សហការជាមួយកម្លាំងនគរបាលស្រុកកំរៀង កាលពីពេលថ្មីៗនេះ បានស្ទាក់បង្រ្កាបករណីលួចនាំយកម៉ូតូចូលមកពីទឹកដីប្រទេសថៃដោយខុសច្បាប់ចំនួន០២គ្រឿង នៅចំណុចភូមិឡាក់៦២ ឃុំកំរៀង ស្រុកកំរៀង ខេត្តបាត់ដំបង ទី១,ម៉ាកហុងដា ស៊ីភីអិច(cpx)ស៊េរីឆ្នាំ២០២២ ពណ៌ក្រហម គ្មានស្លាកលេខ និងមួយគ្រឿងទៀត ពណ៌សមួយគ្រឿង គ្មានស្លាកលេខ ខណៈជនសង័្សយមិនស្គាល់អត្តសញ្ញាណ បានលួចនាំចូលតាមច្រករបៀងមកក្នុងប្រទេសកម្ពុជា។
ក្រោយរកឃើញម៉ូតូទាំង០២គ្រឿង សមត្ថកិច្ចនគរបាលស្រុកបានធ្វើកំណត់ហេតុប្រគល់ទៅឱ្យសមត្ថកិច្ចគយនិងរដ្ឋាករចាត់ការតាមនីតិវិធីផងដែរ៕
ដោយ៖សហការី
