សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ ជំនាញដើរលួចម៉ូតូ ត្រូវកម្លាំងនគរបាលខណ្ឌប្ញស្សីកែវ ឃាត់ខ្លួននៅថ្ងៃទី១៩ ខែកញ្ញា ឆ្នាំ២០២២ វេលាម៉ោង ១២និង ២៤នាទីនៅចំណុចផ្ទះលេខ៧៨៩ ផ្លូវបេតុង ក្រុុមទី៥ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ជនរងគ្រោះឈ្មោះ វណ្ណារ៉ា រតន: ភេទប្រុស អាយុ៣១ឆ្នាំ មុខរបរយោធា មានទីលំនៅកន្លែងកេីតហេតុ។
ជនសង្ស័យឈ្មោះ ប៉ែន សាមី ភេទប្រុស អាយុ៣២ឆ្នាំ មុខរបរគ្មាន មានទីលំនៅផ្ទះលេខ៥៣១០ ផ្លូវបេតុង ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
សម្ភារដកហូតមាន៖
១- សោរម៉ូតូ ០១ (ឧបករណ៍សម្រាប់ធ្វេីសកម្មភាព)
២-ម៉ូតូមួយគ្រឿងម៉ាកHonda Scoopy ពណ៌ខ្មៅ ស៊េរីឆ្នាំ២០១៩ ពាក់ស្លាកលេខ1HK-8072 (ប្រគល់ជូនជនរងគ្រោះ)។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងថា នៅថ្ងៃកេីតហេតុខាងលេីជនរងគ្រោះបានចតម៉ូតូទុកនៅចំហៀងផ្ទះ ស្រាប់តែមានជនសង្ស័យដេីរមកឃេីញ ឱកាសល្អជនសង្ស័យបានធ្វេីសកម្មភាពលួចយកម៉ូតូ ដោយយកកូនសោរម៉ូតូរបស់ខ្លួនស៊កចូលសោរកម៉ូតូរបស់ជនរងគ្រោះកាច់បំបែកគ្រាប់តែមិនបានសម្រេចរួចក៏គេចខ្លួនបាត់ ។ ក្រោយកេីតហេតុជនរងគ្រោះបានមកដាក់ពាក្យបណ្តឹង ភ្លាមៗនោះសមត្ថកិច្ចបានចុះទៅដល់កន្លែងកេីតហេតុបេីកការស្រាវជ្រាវ កំណត់បានអត្តសញ្ញាណជនសង្ស័យ ឈានដល់ឃាត់ខ្លួនជនសង្ស័យបាននៅវេលាម៉ោង១៧និង៣០នាទីនៅថ្ងៃខែឆ្នាំដដែលនៅចំណុចផ្លូវបេតុង ក្រុមទី៥ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ រួមនឹងវត្ថុតាងនាំមកកាន់ប៉ុស្តិ៍ឫស្សីកែវតែម្តង។
ចំពោះមុខផ្នែកជំនាញខណ្ឌប៉ុស្តិ៍កំពុងសាកសួរយកចម្លេីយកសាងសំណុំរឿងបញ្ចូនទៅសាលាដំបូងរាជធានីភ្នំពេញដេីម្បីអនុវត្តន៍តាមនីតិវិធី ៕
ដោយ៖ ជីណា
