សារព័ត៌មាន នគរវត្ត តែងតែនាំមុខគេជានិច្ច
ម្ចាស់កំណត់ត្រាពិភពលោក និងជើងឯកម៉ារ៉ាតុងទីក្រុងឡុង២សម័យកាល កីឡាការិនី Brigid Kosgei ត្រូវបានបង្ខំឱ្យដកខ្លួនចេញពីការប្រណាំងកាលពីថ្ងៃអាទិត្យ ដោយសាររបួសសរសៃពួរតិចតួច។នេះបើតាមអ្នករៀបចំកម្មវិធីបាននិយាយកាលពីថ្ងៃចន្ទ។
Kosgei ដែលបានឈ្នះការរត់ម៉ារ៉ាតុងទីក្រុងឡុងក្នុងឆ្នាំ២០១៩ និងឆ្នាំ២០២០ គឺជាកីឡាករដែលពេញចិត្តនឹងចូលរួមក្នុងព្រឹត្តិការណ៍នេះ។ នាងក៏បានឈ្នះការរត់ម៉ារ៉ាតុងតូក្យូកាលពីដើមឆ្នាំនេះបន្ទាប់ពីមេដាយប្រាក់នៅអូឡាំពិកឆ្នាំមុន។
Kosgei បាននិយាយនៅក្នុងសេចក្តីថ្លែងការណ៍មួយថា “ខ្ញុំបានតស៊ូអស់មួយខែកន្លងមកនេះ ជាមួយនឹងបញ្ហារបួសសរសៃពួរជើងស្តាំរបស់ខ្ញុំ។ ការហ្វឹកហាត់របស់ខ្ញុំបានឡើងចុះ ហើយមិនមែនជាវិធីដែលខ្ញុំចង់រៀបចំដើម្បីស្ថិតក្នុងលក្ខខណ្ឌកំពូលសម្រាប់ព្រឹត្តិការណ៍ TCS London Marathon ឆ្នាំ២០២២“។
កីឡាការិនីរូបនេះបន្តថា “យើងបានសម្រេចចិត្តថា វាជាការល្អបំផុតដែលខ្ញុំដកខ្លួនចេញពីការប្រណាំងឆ្នាំនេះ ហើយទទួលបានការព្យាបាលបន្ថែមទៀតលើរបួសរបស់ខ្ញុំ ដើម្បីឈានចូលដល់ឆ្នាំ២០២៣ខ្លាំងជាងពេលណាទាំងអស់”។
គួរបញ្ជាក់ថា កីឡារិនី Kosgei បានបង្កើតកំណត់ត្រាពិភពលោកក្នុងរត់ការប្រណាំងថិរវេលា២ម៉ោង១៤នាទីនិង៤វិនាទី នៅទីក្រុង Chicago ឆ្នាំ២០១៩។ នាងមានការខកចិត្តនៅទីក្រុងឡុងកាលពីឆ្នាំមុន នៅពេលដែលនាងបានបញ្ចប់ក្នុងចំណាត់ថ្នាក់លេខ៤ក្នុងការប្រណាំងដែលឈ្នះដោយមិត្តរួមជាតិរបស់នាង Joyciline Jepkosgei ដែលគ្រោងនឹងដាក់ចំណងជើងព្រឹត្តិការណ៍នៅចុងសប្តាហ៍នេះ ៕
ដោយ៖ ភារៈ(រូបភាព ៖ Reuters/CNA)
