សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ៖ ជនសង្ស័យម្នាក់និវត្ថតាងត្រូវកម្លាំងនគរបាលបញ្ជូនទៅស្នងការខេត្តនៅថ្ងៃទី១០ខែតុលាឆ្នាំ២០២០នេះដើម្បីសួរនាំនិងចាត់ការបន្ត។
នគរបាលមូលដ្ឋានប្រាប់ថា នៅវេលាម៉ោង ១០ និង ៣០នាទីថ្ងៃទី០៩ ខែតុលា ឆ្នាំ២០២២ដោយមានការយកចិត្តទុកដាក់ពីលោកសិទ្ធិ ឡោះ ស្នងការ នគរបាលខេត្តបន្ទាយមានជ័យនិងក្រោមការដឹកនាំបញ្ជាផ្ទាល់ពីលោក ភា មុនីនិត្យ អធិការស្ដីទីនគរបាលស្រុកម៉ាឡៃ ។
លោក ខែម ជាតិ អធិការរងទទួលផែនប្រឆាំងគ្រឿងញៀន សហការជាមួយកម្លាំងប៉ុស្តិ៍នគរបាលរដ្ឋបាលតាគង់ និងប្រជាការពារភូមិ បានល្បាតលើផ្លូវលំក្នុងភូមិសាស្រ្ត ភូមិប្រាសាទរ៉ាង្គ ឃុំតាគង់ ស្រុកម៉ាឡៃ ក៏បានប្រទះឃើញបុរសម្នាក់កំពុងដើរតាមផ្លូវមានភិនភាគដូច មុខសញ្ញាសង្ស័យចែកចាយគឿងញៀនខុសច្បាប់ ដែលប្រជាពលរដ្ឋបានរាយការណ៍ ។
សមត្ថកិច្ចក៏បានធ្វើការហៅសួរនាំ និងត្រួតពិនិត្យ ក៏ស្រាប់តែប្រទះឃើញមាន៖ ម្សៅក្រាមពណ៌សថ្លាសង្ស័យសារធាតុញៀចំនួន៤៦កូនថង់។
ជនសង្ស័យឈ្មោះ ហ៊ួរ គឹមហ៊ីង ភេទប្រុស អាយុ ៣១ឆ្នាំ មុខរបរ មិនពិតប្រាកដ មានទីលំនៅ ភូមិ ក្បាលអាង ឃុំ ព្រៃខ្ពស់ ស្រុក បវេល ខេត្តបាត់ដំបង។
បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញកសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្តបន្ទាយមានជ័យដេីម្បីចាត់ការបន្តតាមនីតិវិធីច្បាប់៕
ដោយ ៖ វណ្ណា
