សារព័ត៌មាន នគរវត្ត តែងតែនាំមុខគេជានិច្ច
ខេត្តប៉ៃលិន ៖ នៅវេលាម៉ោង១១ និង០០នាទី ថ្ងៃទី០៩ ខែតុលា ឆ្នាំ២០២២ លោកវរសេនីយ៍ទោ សេង ចិន្តា នាយការិយាល័យគ្រឿងញៀន បានសុំការអនុញ្ញាត្តពីលោកឧត្តមសេនីយ៍ទោ សេងសុគន្ធ ស្នងការនគរបាលខេត្តប៉ៃលិន និងមានការសម្របសម្រួលពីលោក សេងគីមឡាក់ ព្រះរាជអាជ្ញាខេត្តប៉ៃលិន និងមតិណែនាំពីលោក សោម ប៉ិម ស្នងការរងផែនការងារប្រឆាំងគ្រឿងញៀន ដឹកនាំកម្លាំងជំនាញដោយលោកវរសេនីយ៍ទោ សេង ចិន្តា បានសុំបន្តនីតិវិធីលើករណីកាលពីថ្ងៃទី០៨ ខែតុលា ឆ្នាំ២០២២ ដែលកម្លាំងជំនាញបានបង្ក្រាបក្នុងករណីជួញដូរ,រក្សាទុក និងប្រើប្រាស់ដោយខុសច្បាប់នូវគ្រឿងញៀន ស្ថិតនៅចំណុចបន្ទប់ស្ថិតនៅភូមិក្បាលស្ពានពីរ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។
សមត្តកិច្ចជំនាញនៃស្នងការខេត្តបានបន្តថា÷យោងតាមចម្លើយសារភាពបឋមរបស់ជនសង្ស័យឈ្មោះ រ៉ម រីដូ (ហៅដាវ) ភេទ ស្រី អាយុ៤១ឆ្នាំ បានឆ្លើយថា ថ្នាំញៀនដែលសមត្ថកិច្ចចាប់យកនោះ នាងខ្ញុំបានទិញពីឈ្មោះ កៀន ភេទប្រុស ស្ថិតនៅចំណុចជិតចក្រដូង(ឡែម) បន្ទាប់ពីបានចម្លើយបឋមដូចខាងលើវរសេនីយ៍ទោ សេង ចិន្តា បានសុំគោលការណ៍ពីថ្នាក់ដឹកនាំខាងលើដើ្បម្បីពន្លាតដែនសមត្ថកិច្ច(ដែនដី) និងសុំការអនុញ្ញាតបន្តនីតិវិធីចុះទៅសហការដើម្បីធ្វើការបង្ក្រាបបន្ត។
ពេលចុះទៅដល់កន្លែងទីតាំងស្ថិតនៅភូមិដូង ឃុំកំរៀង ស្រុកកំរៀង ខេត្តបាត់ដំបង ជនសង្ស័យឈ្មោះ រ៉ម រីដូ(ដាវ) បានធ្វើការណាត់ជួបជាមួយ ឈ្មោះ តុលា ភេទ ប្រុស ដែលជាលក់ថ្នាំញៀនឱ្យ នៅទីតាំងមួយកន្លែង នៅជិតការាសសាំងសូគីម៉ិច បន្ទាប់មកជនសង្ស័យក៏បានមកជួបតាមការណាត់នៅវេលាម៉ោងប្រហែល ២២និង ២០នាទី ហើយកម្លាំងយើងក៏បានធ្វើការបង្ក្រាបតែម្តង។
សមត្តកិច្ចបន្តថា÷ ក្នុងការបង្ក្រាបនេះយើងបានរកឃើញម្សៅក្រាមពណ៌សថ្លា(ម៉ាទឹកកកICE)ចំនួន ០១កញ្ចប់ទម្ងន់ ៣,៧៤ក្រាមថ្នាំសុទ្ធ និងប្រភេទគ្រាប់អក្សរWYចំនួន ៣០គ្រាប់ទម្ងន់ ២,៨៤ក្រាមថ្នាំសុទ្ធ និងនាំខ្លូនជនសង្ស័យចំនួន ០១នាក់ប្រុស មកកាន់ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តប៉ៃលិន។
ការបង្ក្រាបនេះទទួលលទ្ធផលដូចខាងក្រោម៖
ក/នាំខ្លួនជនសង្ស័យសរុបចំនួន ០១នាក់-ឈ្មោះ ដុង តុលា ភេទប្រុស អាយុ២៥ឆ្នាំ ជនជាតិ ខ្មែរ មុខរបរ មិនពិតប្រាកដ បច្ចុប្បន្នរស់នៅភូមិដូង ឃុំកំរៀង ស្រុកកំរៀង ខេត្តបាត់ដំបង។-ម្សៅក្រាមពណ៌សថ្លា(ម៉ាទឹកកកICE)ចំនួន ០១កញ្ចប់ ទម្ងន់ ៣,៧៤ក្រាមថ្នាំសុទ្ធ -ប្រភេទអក្សរWYចំនួន ៣០ក្រាម ទម្ងន់២,៨៤ក្រាមថ្នាំសុទ្ធ-ជញ្ជីងចំនួន០១គ្រឿង-ម៉ូតូចំនួន ០១គ្រឿង។
ខ/វត្ថុតាងគ្រឿងញៀនចាប់យកសរុបរួម៖
-ម្សៅក្រាមពណ៌សថ្លាម៉ាទឹកកកICE ចំនួន ០១កញ្ចប់ ទម្ងន់ ៣,៧៤ក្រាមថ្នាំសុទ្ធ។
-ប្រភេទអក្សរWYចំនួន៣០គ្រាប់ ទម្ងន់២,៨៤ក្រាមថ្នាំសុទ្ធ។
គ/សម្ភារៈ និងមធ្យោបាយចាប់យកសរុបរួម៖
-ជញ្ជីងចំនួន ០១គ្រឿង។
-ម៉ូតូចំនួន ០១គ្រឿង ។
ក្នុងករណីខាងលើកម្លាំងជំនាញយើងបាននាំខ្លួនជនសង្ស័យព្រមទាំងវត្ថុតាង និងសម្ភារៈដកហូតមកកាន់ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តប៉ៃលិន ដើម្បីសាកសួរ និងកសាងសុំណុំរឿងចាត់ការតាមនីតិវិធីច្បាប់ ៕
ដោយ៖ ស សារ៉េត
