សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ត្រូវបានសមត្ថកិច្ចធ្វេីការឃាត់ខ្លួនយកទៅសួរនាំក្រោយពីប្រេីអំពេីហិង្សាយកខ្សែក្រវាត់វាយប្រពន្ធបណ្តាលឱ្យរងរបួសធ្ងន់ បង្កការភ្ញាក់ផ្អេីលកាលពីវេលាម៉ោង១១និង២០នាទីថ្ងៃទី ១២ ខែ តុលា ឆ្នាំ២០២២ នៅចំណុចភូមិ ព្រៃទាទី១ សង្កាត់ចោមចៅទី៣ ខណ្ឌ ពោធិ៍សែនជ័យ រាជធានីភ្នំពេញ ។
ស្ត្រីរងគ្រោះ ឈ្មោះ យឹប យោម អាយុ៤១ឆ្នាំ រស់នៅភូមិព្រៃទាទី១ សង្កាត់ចោមចៅ៣ ខណ្ឌពោធិ៏សែនជ័យ រាជធានីភ្នំពេញ។
តាមប្រភពព័ត៌មានបានឱ្យដឹងថា ប្តីប្រពន្ធខាងលេីតែងតែមានជម្លោះគ្នាជាញឹកញាប់ ។ នៅមុនពេលកេីតហេតុខណៈប្តីមកពីធ្វេីការមកដល់ផ្ទះស្រាប់តែឮសំឡេងជេរគ្នាទៅវិញទៅមក។ បន្ទាប់មកស្រាប់តែប្រពន្ធស្រែកហៅអ្នកជិតខាងឱ្យជួយ ហើយភ្លាមៗនោះបងប្អូនប្រជាពលរដ្ឋបាននាំគ្នាទៅមេីលស្រាប់តែឃេីញស្ត្រីជាប្រពន្ធបែកក្បាលហូរឈាមស្រោចខ្លួនទេីបរាយការណ៍ទៅសមត្ថកិច្ចចុះធ្វើអន្តរាគមន៍ឃាត់ខ្លួនបុរសជាប្តីតែម្តង។
ចំណែកស្រ្ដីរងគ្រោះត្រូវបានកងសង្គ្រោះបន្ទាន់៧១១ កងពលតូចលេខ៧០ជួយសង្គ្រោះបឋមដឹកបញ្ជូនទៅព្យាបាលបន្តនៅមន្ទីរពេទ្យព្រះកុសុមៈ។
បេីតាមសម្តីបុរសជាប្តីបានឱ្យដឹងថា មូលហេតុដែលគាត់ប្រេីហិង្សាលេីប្រពន្ធគឺខណៈដែលរូបគាត់មកពីធ្វេីការហត់មកដល់ផ្ទះឃេីញប្រពន្ធផឹកស្រាស្រវឹងហេីយបានជេររូបគាត់ទេីបធ្វេីឱ្យគាត់ទប់អារម្មណ៍មិនបានយកខ្សែក្រវាត់វាយតែម្តង៕
ដោយ៖សុខាសែនជ័យ
