សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត៖ បេីយោងតាមប្រភពព័ត៌មានពីរបាយការណ៍របស់អគ្គស្នងការនគរបាលជាតិ បានឱ្យដឹងនៅរសៀលថ្ងៃអង្គារទី២៥ ខែតុលា ឆ្នាំ២០២២នេះថា៖ កម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្ត បានបង្ក្រាបករណីជួញដូរ និងប្រើប្រាស់គ្រឿងញៀន ០១ករណី ដោយឃាត់ខ្លួនជនសង្ស័យម្នាក់រួមនិងវត្ថុតាងជាក់ស្ដែង។
របាយការណ៍ដដែលបន្តថា ជនសង្ស័យឈ្មោះ ញឹម មូឌីណា ភេទប្រុស អាយុ៣៣ឆ្នាំ រស់នៅភូមិតេជោអភិវឌ្ឍន៍ ឃុំតេជោអភិវឌ្ឍន៍ ស្រុកឈូក ខេត្តកំពត ។
ក្នុងប្រតិបត្តិការនេះបានធ្វេីឡេីងកាលពីថ្ងៃទី២៤ ខែតុលា ស្ថិតនៅភូមិតេជោអភិវឌ្ឍន៍ ឃុំតេជោអភិវឌ្ឍន៍ ស្រុកឈូក ខេត្តកំពត ។ ដោយមានការយកចិត្តទុកដាក់ចង្អុលបង្ហាញ និងបញ្ជាយ៉ាងម៉ឺងម៉ាត់ពីលោក ឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការ នគរបាលខេត្ត ក្នុងការបង្ក្រាបនូវរាល់បទល្មើសគ្រឿងញៀនគ្រប់ប្រភេទ នៅទូទាំងខេត្តកំពត។
វត្ថុតាងដកហូតរួមមាន ៖ -ថ្នាំញៀន ០៣កញ្ចប់ ទម្ងន់ ៨.៦៦ ក្រាម -ទូរស័ព្ទដៃ ២គ្រឿង -គ្រាប់កាំភ្លើង ចំនួន០៤គ្រាប់ -សំបកកន្ទុះ ចំនួន ០១ -បង់កាំភ្លើង ចំនួន ០១ -រំសេវ ០១កញ្ចប់តូច ។
បច្ចុប្បន្ន កម្លាំងសមត្ថកិច្ចកំពុងកសាងសំណុំរឿងជនសង្ស័យ និងវត្ថុតាងបញ្ជូនទៅតុលាការដើម្បីចាត់ការតាមនីតិវិធី ៕
ដោយ៖ អារុណរះ
