សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នាព្រឹកថ្ងៃចន្ទ ៦រោច ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៤ ខែវិច្ឆិកា ឆ្នាំ២០២២ លោក លី ច័ន្ទតុលា អញ្ជេីញចូលរួមធ្វេីបទឧទេ្ទសនាម ស្តីពី ” រចនាសម្ព័ន្ធ តួនាទី និងភារកិច្ចនៃវិជ្ជាជីវ:មេធាវី” នៅក្នុងវគ្គបំប៉នមន្រ្តីនគរបាលយុត្តិធម៌ឆ្នាំ២០២២ របស់កងរាជអាវុធហត្ថលេីផ្ទៃប្រទេស នៅវិទ្យាស្ថានកងរាជអាវុធហត្ថ(កំបូល) ជូនសិក្ខាកាមនាយទាហាននៃកងរាជអាវុធហត្ថ ដែលមកពីស្នងការដ្ឋាន និងបញ្ជាការដ្ឋានកងរាជអាវុធហត្ថរាជធានី-ខេត្ត ចំនួន ១០៧រូប ។
នាឱកាសនោះក៏មានកិច្ចស្វាគមន៍ពី លោកឧត្តមសេនីយ៍ទោ តាត ចន្ថា នាយកវិទ្យាស្ថានកងរាជអាវុធហត្ថ(កំបូល) ផងដែរ។
លោក លី ច័ន្ទតុលា ប្រធានគណ:មេធាវីនៃព្រះរាជាណាចក្រកម្ពុជា បានថ្លែងនូវមតិស្វាគមន៍ទៅកាន់សិក្ខាកាម និងបានធ្វេីបទឧទេ្ទសនាមអំពី:
-រចនាសម្ព័ន្ធនៃវិជ្ជាជីវ:មេធាវី
-ការគ្រប់គ្រងលេីវិជ្ជាជីវ:មេធាវី
-តួនាទីរបស់មេធាវី
-ភារកិច្ចរបស់មេធាវី
-និងការទទួលខុសត្រូវរបស់មេធាវី
លោក លី ច័ន្ទតុលា ប្រធានគណ:មេធាវីនៃព្រះរាជាណាចក្រកម្ពុជា បានសម្តែងអំណរគុណចំពោះការអញ្ជេីញ លោក មកធ្វេីបទឧទ្ទេសនាម ផ្សព្វផ្សាយអំពី វិជ្ជាជីវ:មេធាវី និងសូមអរគុណសិក្ខាកាមទាំងអស់ដែលបានយកចិត្តទុកដាក់ ត្រងត្រាប់ស្តាប់ កត់ត្រានូវចំណុចសំខាន់ៗ និងចោទជាសំណួរយ៉ាងច្រេីន ដែលបង្ហាញអំពីការចាប់អារម្មណ៍យ៉ាងខ្លាំងចំពោះវិជ្ជាជីវ:មេធាវី។
ជាចុងក្រោយ លោក លី ច័ន្ទតុលា ប្រធានគណ:មេធាវីនៃព្រះរាជាណាចក្រកម្ពុជា បានជូនពរ ដល់លោកនាយកវិទ្យាស្ថាន ថ្នាក់ដឹកនាំវិទ្យាស្ថាន និងសិក្ខាកាមទាំងអស់ សូមទទួលជោគជ័យនៅក្នុងវគ្គបំប៉នមន្រ្តីនគរបាលយុត្តិធម៌ ព្រមទាំងជោគជ័យក្នុងការ ប្រកបវិជ្ជាជីវ: និងជួបតែពុទ្ធពរទាំង៤ប្រការ គឺអាយុ វណ្ណ: សុខ: ពល: កុំបីឃ្លៀងឃ្លាតឡេីយ ៕
ដោយ : សហការី
