សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ហ្សាស័រឈូសដីមួយគ្រឿងបេីកឆ្លងផ្លូវត្រូវរថយន្តធុនត្រាបេីកលឿនបួងចង្កូតគេចមិនផុតប៉ះមួយចំហៀងរួចបន្តទៅបុករថយន្តHinoមួយគ្រឿងទៀតបណ្តាលឲ្យព្រះសង្ឃមួយអង្គរងរបួសធ្ងន់។
ហេតុការណ៍នេះបានកេីតឡេីងកាលពីវេលាម៉ោង២និង៣០នាទីរសៀល ថ្ងៃទី២៩ ខែវិច្ឆិកា ឆ្នាំ២០២២ នៅតាមបណ្តោយមហាវិថីឈ្នះឈ្នះ កែងផ្លូវបេតុងវត្តភ្នៀត ភូមិស្រែដែកជះ សង្កាត់សំរោងក្រោម ខណ្ឌពោធិ៍សែនជ័យ ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញហ្សាស័រឈូសដីមួយគ្រឿងបេីកតាមបណ្តោយផ្លូវបេតុងវត្តភ្នៀតក្នុងទិសដីពីលិចទៅកេីតឆ្លងផ្លូវវិមានឈ្នះឈ្នះភ្លាមនោះស្រាប់តែរថយន្តធុនត្រា ពណ៌ខ្មៅ ពាក់ស្លាកលេខភ្នំពេញ2_AJ7197 ដឹកព្រះសង្ឃធ្វេីដំណេីរតាមបណ្តោយមហាវិថីឈ្នះឈ្នះ ក្នុងទិសដៅពីជេីងទៅត្បូងចាប់ហ្វ្រ័ងមិនទាន់ក៏បួងចង្កូតគេចមកខាងឆ្វេងដៃតែមិនផុតប៉ះទ្វារខាងស្តាំរួចបន្តទៅបុករថយន្តម៉ាកHino ពណ៌ទឹកប្រាក់ ពាក់ស្លាកលេខស្វាយរៀង3A 3718ដែលធ្វេីដំណេីរក្នុងទិសដៅពីត្បូងទៅជេីងនៅចំណែកផ្លូវម្ខាងទៀតរងការខូចខាតនិងរបួសព្រះសង្ឃមួយអង្គ។
ក្រោយកេីតហេតុព្រះសង្ឃដែលរបួសត្រូវបានបញ្ជូនទៅសង្គ្រោះភ្លាមៗបន្ទាប់មករថយន្តទាំង៣គ្រឿងត្រូវបានសមត្ថកិច្ចបាញ់ថ្នាំអែបខាងដេីម្បីសម្រួលចរាចរណ៍។ ដោយឡែកភាគីខាងរថយន្តHinoមិនចង់មានរឿងវែងឆ្ងាយសុំបញ្ចប់រឿងដោយមិនទាមទាសំណងនោះទេដោយឡែករថយន្តធុនត្រានិងហ្សាស័រត្រូវបានសមត្ថកិច្ចជំនាញយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញដេីម្បីរង់ចាំដោះស្រាយពេលក្រោយ៕
ដោយ៖សុខាសែនជ័យ
