សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្ត Toyota Camry ពណ៌ខ្មៅ២គ្រឿង ម្ខាងបេីកបរដោយជនជាតិចិន និងម្ខាងទៀតបេីកបរដោយជនជាតិខ្មែរ បានបុកគ្នានៅត្រង់ចំណុចផ្លូវបំបែកជាបួនលេីប្រឡាយលូបឹងត្របែក បណ្ដាលឱ្យរងការខូចខាតទាំងសងខាង តែសំណាងដែរដែលមិនបង្កឱ្យមានមនុស្សរងរបួស ។
ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១១ និង៤០នាទីយប់ ថ្ងៃទី៨ ខែធ្នូ ឆ្នាំ២០២ នៅតាមបណ្ដោយផ្លូវលេខ១០៥ កែងផ្លូវលេខ៤៣២ ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា នៅពេលកេីតហេតុ គេឃេីញរថយន្តមួយគ្រឿងម៉ាក Toyota Camry ពណ៌ខ្មៅ ពាក់ស្លាកលេខ ភ្នំពេញ 2W-3366 បេីកបរដោយបុរសម្នាក់ជាជនជាតិចិន ធ្វេីដំណេីរតាមបណ្ដោយផ្លូវលេខ៤៣២ពីលិចទៅកេីតក្នុងល្បឿនលឿន ខណៈមកដល់ផ្លូវបំបែកមិនបន្ថយល្បឿនក៏ត្រូវរថយន្តមួយគ្រឿងទៀតម៉ាក Toyota Camry ពណ៌ខ្មៅ ពាក់ស្លាកលេខ ភ្នំពេញ 2K-0053 បេីកបរដោយបុរសម្នាក់ជាជនជាតិខ្មែរ ធ្វេីដំណេីរតាមបណ្ដោយផ្លូវលេខ១០៥ពីត្បូងទៅជេីងក្នុងល្បឿនលឿនល្មម ហើយក៏បុករថយន្តកាមរីដែលបេីកបរដោយជនជាតិចិនចំពីចំហៀងទ្វារខាងស្ដាំពេញទំហឹង បណ្ដាលឱ្យរថយន្តកាមរីដែលបេីកបរដោយជនជាតិចិនវិលក្បាលរថយន្តត្រឡប់ក្រោយរងការខូចខាតយ៉ាងដំណំ រីឯរថយន្តកាមរីបេីកបរដោយជនជាតិខ្មែរបានរងការខូចខាតផ្នែកខាងមុខជាខ្លាំងផងដែរ តែក្នុងហេតុការណ៍គ្រោះថ្នាក់ចរាចរណ៍ខាងលេីនេះមិនបង្កឱ្យមានមនុស្សណាម្នាក់រងរបួសនោះទេ ។
ក្រោយកេីតហេតុ ភាគីទាំងសងខាងបានធ្វេីការសម្របសម្រួលគ្នាអស់មួយសន្ទុះធំនិងវែកញែកហេតុផលត្រឹមត្រូវទើបភាគីរថយន្តកាមរីរបស់ជនជាតិចិនយល់ព្រមជួសជុលការខូចខាតទៅលេីរថយន្តកាមរីរបស់ជនជាតិខ្មែរឱ្យស្អាតឡេីងវិញ ដេីម្បីបញ្ចប់រឿងនៅកន្លែងកេីតហេតុតែម្ដងដោយមិនចង់រំខានដល់សមត្ថកិច្ចឡេីយ ៕
ដោយ ៖ ភារ៉ា ដង្កោ
