សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ យុវជនម្នាក់បានរងរបួសធ្ងន់ និងត្រូវបានបញ្ជូនទៅសង្គ្រោះនៅឯមន្ទីរពេទ្យភ្លាមៗ បន្ទាប់ពីជិះម៉ូតូមួយគ្រឿងបោះពួយយ៉ាងលឿនមិនប្រយ័ត្នជ្រុលទៅបុករថយន្តម៉ាកTOYOTA HILUX កំពុងបើកឆ្លងផ្លូវពេញទំហឹង កាលវេលាម៉ោង៩ និង៣០នាទីយប់ថ្ងៃពុធ ទី២៨ ខែធ្នូ ឆ្នាំ២០២២ នៅតាមបណ្ដោយផ្លូវសហពន្ធ័រុស្សុី ត្រង់ចំណុចស្តុបផ្សារជិនជូរី ក្នុងសង្កាត់កាកាប១ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តមួយគ្រឿងម៉ាក TOYOTA HILUX ពណ៌ខ្មៅលាយស ពាក់ផ្លាកលេខភ្នំពេញ2BR-7518 បើកដោយបុរសម្នាក់រួមដំណើរនិងបុរសម្នាក់ទៀតធ្វើដំណើរតាមបណ្ដោយផ្លូវសហព័ន្ធរុស្សុី ទិសដៅពីកើតទៅលិច ខណះមកដល់ចំណុចកើតហេតុខាងលើបានបត់ឆ្វេងឆ្លងផ្លូវបានពាក់កណ្ដាលថ្នល់ ស្រាប់តែមានយុវជនម្នាក់ជិះម៉ូតូហុងដាឌ្រីម ស៊េរីឆ្នាំ២០១៨ ពណ៌ខ្មៅ ពាក់ផ្លាកលេខព្រៃវែង1N -0394 ធ្វើដំណើរពីលិចទៅកើតបោះពួយយ៉ាងលឿនជ្រុលទៅបុករថយន្តHILUXខាងលេីចំថ្ពាល់ខាងស្ដាំពេញទំហឹង បណ្ដាលឱ្យម៉ូតូជាប់ជាមួយរថយន្តរងការខូចខាតយ៉ាងដំណំ ។ ចំណែកម្ចាស់ម៉ូតូប្លោងដួលរងរបួសធ្ងន់ និងត្រូវបានបញ្ជូនទៅមន្ទីរពេទ្យ។
ក្រោយកើតហេតុ សមត្ថកិច្ចមូលដ្ឋានខណ្ឌពោធិ៍សែនជ័យ សហការជាមួយជំនាញចរាចរណ៍ចុះធ្វេីការវាស់វែងរថយន្ត និងម៉ូតូទៅរក្សាទុករង់ចាំដោះស្រាយគ្នានៅពេលក្រោយ ៕
ដោយ ៖ ភារ៉ា ដង្កោ
