សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ មនុស្សប្រុសស្រី៣នាក់បានរងរបួសធ្ងន់ស្រាលត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗខណៈកំពុងជិះម៉ូតូមួយគ្រឿងឌុបគ្នាត្រូវរថយន្តឡិចស៊ីសមួយគ្រឿងបេីកបុករបាំងថ្មពុះចែកទ្រូងផ្លូវអស់៣កង់ខ្ទាតមកប៉ះ ចំណែករថយន្តក្រឡាប់ផ្ងារជេីង។
ហេតុការណ៍នេះបានកេីតឡេីងកាលពីវេលាម៉ោង១រំលងអធ្រាត្រឈានចូលថ្ងៃទី៣០ ខែធ្នូ ឆ្នាំ២០២២ នៅចំណុចស្តុបទេពផន តាមបណ្តោយផ្លូវម៉ៅសេទុង ស្ថិតក្នុងសង្កាត់ផ្សារដេប៉ូ១ ខណ្ឌទួលគោក។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសជនជាតិចិនម្នាក់បេីករថយន្តម៉ាកឡិចស៊ីសពណ៌ស ពាក់ស្លាកលេខភ្នំពេញ2BG 9960 រួមដំណេីរជាមួយបុរសជនជាតិចិនដូចគ្នាម្នាក់ទៀតធ្វេីដំណេីរតាមបណ្តោយផ្លូវម៉ៅសេទុង ក្នុងទិដៅពីត្បូងទៅជេីងក្នុងល្បឿនលឿនខណៈមកដល់ចំណុចកេីតហេតុក៏រេចង្កូតមកខាងឆ្វេងដៃបុករៈរបាំងថ្មពុះចែកទ្រូងផ្លូវរងការខូចខាតអស់៣កង់នឹងខ្ទាតទៅប៉ះម៉ូតូស្គូពីមួយគ្រឿងទៀតជិះគ្នាបីនាក់រងរបួសធ្ងន់ស្រាល ចំណែករថយន្តក្រឡាប់ផ្ងារជេីងច្រង៉ាងដោយឡែកម្ចាស់រថយន្តរបួសស្រាលត្រូវបានប្រជាពលរដ្ឋជួយទាញចេញពីក្នុងរថយន្តបន្ទាប់មកក៏គេចខ្លួនបាត់។
ក្រោយកេីតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗចំណែករថយន្តបង្កត្រូវបានសមត្ថកិច្ចស្ទូចយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការនគរបាលរាជធានីភ្នំពេញរង់ចាំដោះស្រាយតាមច្បាប់៕
ដោយ៖សុខាសែនជ័យ
