🔴លោក ភូ លិ អភិបាលរងខេត្តកែប បានរងការចោទប្រើហិង្សាលើស្រ្តីម្នាក់ដោយគប់កែវចំក្បាលបែកហូរឈាម និងបានបៀតបៀនប្រពន្ធគេ!

ខេត្តកែប ៖ អំពើរបស់អភិបាលរងខេត្តកែបរូបនេះ បានកើតឡើង នៅពេលគាត់ស្រវឹងស្រា ក្នុងកម្មវិធីជប់លៀងអបអរសាទរប្រធានមន្ទីរបរិស្ថានថ្មីខេត្តកែប កាលពីយប់ថ្ងៃទី២៩ ខែធ្នូ ឆ្នាំ២០២២ ! នេះជាដំណឹងបឋម ដែលទទួលបាន គ្រាន់តែមិនទាន់មានរបាយការណ៍ពីសមត្ថកិច្ច ឬសម្ដីជនរងគ្រោះនៅឡើយ។ 

សូមបញ្ជាក់ថា, បើរឿងនេះជាការពិតមែន សង្ឃឹមថា ថ្នាក់ដឹកនាំនឹងចាត់ឲ្យស្រាវជ្រាវ ហើយឈានដល់ចំណាត់ការលើមន្រ្តីរូបនេះ ទៅតាមផ្លូវច្បាប់ ! 

យ៉ាងណាក៏ដោយ មិនទាន់មានការបញ្ជាក់ពីលោក ភូ លិ ចំពោះរឿងរ៉ាវទាំងនេះឡើយ! ខណៈគ្មានលេខទូរស័ព្ទ ប៉ុន្តែអង្គភាព មជ្ឈមណ្ឌលព័ត៌មាន”នគរវត្ត” រងចាំការបកស្រាយបំភ្លឺពីលោក ភូ លិ អភិបាលរងខេត្តកែប រៀងរាល់ម៉ោងធ្វើការ ។ 

ពាក់ព័ន្ធក្នុងករណីនេះ តំណាងអយ្យការ អមសាលាដំបូងខេត្តកែប បានប្រាប់អង្គភាព មជ្ឈមណ្ឌលព័ត៌មាន”នគរវត្ត” នៅរសៀលថ្ងៃទី ៣០ ខែធ្នូឆ្នាំ ២០២២ ថា ចំពោះបញ្ហាខាងលើនេះ ខាងសមត្ថកិច្ចដែលជាមន្ត្រីនគរបាលយុត្តិធម៌ កំពុងតែ ដុតដៃដុតជើងធ្វើកិច្ចការនេះហើយ ៕

ដោយ ៖ សហការី