សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ មានករណីអគ្គិភ័យមួយបានឆាបឆេះរថយន្តម៉ាក ហុីយ៉ាន់ដាយ Santa Fe មួយគ្រឿង បង្កការភ្ញាក់ផ្អេីលដល់ប្រជាពលរដ្ឋ និងសមត្ថកិច្ចជំនាញចេញមកអន្តរាគមន៍បាញ់ទឹកពន្លត់ កាលពីវេលាម៉ោង ៨និង៥០នាទីយប់ ថ្ងៃពុធ ៩រោច ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៥ ខែមីនា ឆ្នាំ២០២៣ សិ្ថតនៅចំណុចព្រីមៀ សែនសុខ ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។
គ្រោះអគ្គិភ័យឆាបឆេះខាងលេីនេះ គឺបណ្តាលមកពីឆ្លងភ្លេីងអាគុយរថយន្តបង្កជាអគ្គិភ័យ ក្នុងនោះបានធ្វេីឲ្យឆាបឆេះខូចខាតរថយន្ត ម៉ាក Hyundai Santa Fe ពណ៌ខ្មៅ ស្លាកលេខ ភ្នំពេញ 2T-3339 ប្រហែល ៥០% តែមិនបណ្ដាលឱ្យមនុស្សណាម្នាក់រងរបួសនោះទេ ។
មិនយូរប៉ុន្មាន នៅវេលាម៉ោង ៩និង០០នាទីយប់នាថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យ រាជធានីភ្នំពេញ ចំនួន ០៤គ្រឿង ប្រើប្រាស់ទឹកអស់ ០១ឡាន ស្មើរនឹង ០៤ម៉ែត្រគូប៕
ដោយ ៖ ភារ៉ា ដង្កោ
