សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ក្មេងស្រីម្នាក់បានស្លាប់ភ្លាមៗយ៉ាងអាណោចអាធ័មខណៈជិះម៉ូតូទាក់ដៃចង្កូតជាមួយរ៉ឺម៉កធ្វេីដំណេីរស្របគ្នាបណ្តាលឲ្យដួលទៅនឹងថ្នល់ត្រូវរថយន្តកុងតឺន័រកិនហេីយបេីកគេចខ្លួនបាត់ បង្កការភ្ញាក់ផ្អេីលកាលវេលាម៉ោង៩និង៣០នាទីយប់ ថ្ងៃទី១៦ ខែមីនា ឆ្នាំ២០២៣ ផ្លូវបេតុង ភូមិព្រៃព្រីងជេីង២ សង្កាត់ចោមចៅទី៣ ខណ្ឌពោធិ៍សែនជ័យ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញក្មេងស្រីម្នាក់ជិះម៉ូតូធូដេ ពណ៌ខៀវ ពាក់ស្លាកលេខភ្នំពេញ1CR 3328 ធ្វេីដំណេីរតាមបណ្តោយផ្លូវបេតុងក្នុងទិសដៅពីត្បូងទៅជេីង ស្របជាមួយរ៉ឺម៉កបន្ទាប់មកស្រាប់តែទាក់ដៃចង្កូតបណ្តាលឲ្យទៅនឹងថ្នល់ភ្លាមនោះក៏មានរថយន្តកុងតឺន័របេីកមកបញ្ច្រាសទិសគ្នាកិនស្លាប់ភ្លាមៗបន្ទាប់មករ៉ឺម៉ករួមទាំងរថយន្តកុងតឺន័របេីកគេចខ្លួនបាត់ស្រមោលតែម្តង។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុទាក់ទងទៅក្រុមគ្រួសារមកទទួលយកសពទៅធ្វេីបុណ្យតាមប្រពៃណី។
ចំណែករថយន្តបង្កសមត្ថកិច្ចនឹងស្រាវជ្រាវតាមចាប់យកមកដោះស្រាយតាមច្បាប់ ៕
ដោយ៖សុខាសែនជ័យ
