សារព័ត៌មាន នគរវត្ត តែងតែនាំមុខគេជានិច្ច
ក្លិបមេឃខៀវ Manchester City នឹងផ្តល់ជូនខ្សែប្រយុទ្ធ Erling BrautHaaland នូវកិច្ចសន្យាថ្មីមួយបន្ទាប់ពីមានការដាក់តម្លៃផ្ទេររបស់គាត់ត្រូវបានគេដកចេញនេះ។ បើតាមការចុះផ្សាយរបស់សារព័ត៌មាន The Athletic។ ខ្សែប្រយុទ្ធអន្តរជាតិន័រវេសរូបនេះបានចូលរួមជាមួយក្លិប Man City ពីក្លិប Borussia Dortmund ក្នុងឆ្នាំ២០២២។
Haaland ត្រូវបានចំណាយប្រាក់៥២.៥លានផោនរបស់ Man City ដែលត្រូវបានបញ្ចូលទៅក្នុងកិច្ចសន្យារបស់គាត់នៅពេលចូលរួមជាមួយក្លិប Bundesliga ពី Red Bull Salzburg ក្នុងខែធ្នូ ឆ្នាំ២០១៩។ ស្រដៀងគ្នានេះដែរ ចំណុចដែលនឹងអនុញ្ញាតឱ្យកីឡាករវ័យ២២ឆ្នាំរូបនេះចាកចេញក្នុងតម្លៃ១៥០ លានផោនក្នុងឆ្នាំ២០២៤ ត្រូវបានបញ្ចូលក្នុងកិច្ចព្រមព្រៀងរបស់គាត់នៅពេលគាត់ចូលរួមជាមួយ Man City ។
ទោះជាយ៉ាងណាក៏ដោយ កិច្ចសន្យាថ្មីនេះត្រូវបានផ្សារភ្ជាប់ទៅនឹងអនាគតរបស់អ្នកចាត់ការលោក Pep Guardiola ដែលបានចុះកិច្ចសន្យាថ្មីតាំងពីពេលនោះមក។ អតីតអ្នកចាត់ការក្លិប Barcelona រូបនេះបានយល់ព្រមបន្តកិច្ចសន្យាកាលពីខែវិច្ឆិកាឆ្នាំមុន ដោយចុះហត្ថលេខាលើកិច្ចព្រមព្រៀងដែលផុតកំណត់នៅឆ្នាំ២០២៥។
ជាលទ្ធផល ក្នុងកិច្ចសន្យាដែលឲ្យ Haaland ចាកចេញ ត្រូវបានលុបចោល ហើយគាត់បើកចំហចំពោះការពិភាក្សាថ្មីៗ។ កីឡាករសញ្ជាតិន័រវេសរូបនេះបានក្លាយជាកីឡាករសំខាន់ដែលកំពុងបង្ហាញខ្លួនបន្ទាប់ពីការផ្ទេររបស់គាត់មក Man City ហើយបានបំបែកកំណត់ត្រាស៊ុតបញ្ចូលទីជាច្រើនក្នុងគ្រប់ការប្រកួត។
Haaland រកបាន៣២គ្រាប់ និងបញ្ជូនបាល់ឲ្យមិត្តរួមក្រុមបាន៥ដងក្នុង២៨ប្រកួតនៅ Premier League ។ Man City មាន៤ពិន្ទុតាមពីក្រោយក្រុមកំពូលតារាង Arsenal ជាមួយនឹងការប្រកួតមួយក្នុងដៃ ហើយកីឡាករន័រវេសរូបនេះអាចជួយពួកគេឱ្យឈ្នះពានក្នុងការប្រជែងយ៉ាងស្វិតស្វាញរដូវកាលនេះ។
ខ្សែប្រយុទ្ធរូបនេះក៏បានស៊ុតបញ្ចូលទីបាន១២គ្រាប់ និង Assist មួយគ្រាប់ក្នុងការប្រកួត Champions League ចំនួន៨លើក។ ក្រុម Man City បានឈ្នះ ៣–០ នៅក្នុងជើងទីមួយនៃការប្រកួតវគ្គ១/៤ចុងក្រោយរបស់ពួកគេជាមួយនឹងក្រុម Bayern Munich ហើយនៅជើងទី២ Man City បានស្មើ១ទល់១ជាមួយ Bayern Munich ដោយបានកក់កៅអីទៅកាន់វគ្គពាក់កណ្តាលផ្តាច់ព្រ័ត្រ។
Man City ត្រូវជួប Real Madrid នៅវគ្គពាក់កណ្តាលផ្តាច់ព្រ័ត្រ ហើយក្លិបនៅលីកកំពូល La Liga នឹងប្រយ័ត្នចំពោះ Haaland។ ក្លិប Real Madrid ត្រូវបានផ្សារភ្ជាប់ជាមួយនឹងការចាប់អារម្មណ៍លើគាត់ ប៉ុន្តែការផ្តល់តម្លៃខ្លួនត្រូវបានក្លិប Man City បដិសេធ ដោយប្រញាប់ប្រញាល់បន្តកុងត្រាថ្មីផងដែរ ៕
(រូបភាព ៖theathletic.com/onefootball.com)
