សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តឃ្លប់ដឹកទំនិញមួយគ្រឿងខណៈឈប់នៅចិញ្ចេីមផ្លូវដាក់អីវ៉ាន់មិនបានដាក់ស្លាកសញ្ញាសម្គាល់ត្រូវបានរថយន្តឡិចស៊ីស៥៧០ បេីកលឿនមិនប្រយ័ត្នជ្រុលទៅបុកពីក្រោយពេញទំហឹងបណ្តាលឱ្យគាបជាប់រងការខូចខាតយ៉ាងដំណំរុញទៅប៉ះបង្គោលភ្លេីងបាក់អស់មួយដេីមទៀត។ ហេតុការណ៍នេះបានកេីតឡេីងកាលពីវេលាម៉ោង១១និង៣០នាទីយប់ ថ្ងៃទី១៩ ខែឧសភា ឆ្នាំ២០២៣ នៅចំណុចមុខក្រសួងការងារ តាមបណ្តោយមហាវិថីសហព័ន្ធរុស្ស៊ី ស្ថិតក្នុងសង្កាត់ទឹកល្អក់ទី១ ខណ្ឌទួលគោក។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តហ៊ីយា៉ន់ដាយ ឃ្លប់ដឹកទំនិញ ពណ៌ស ពាក់ស្លាកលេខភ្នំពេញ3F-5278 មកឈប់នៅចិញ្ចេីមផ្លូវក្នុងទិសដៅពីលិចទៅកេីតដេីម្បីដាក់អីវ៉ាន់តែមិនបានដាក់សញ្ញាសម្គាល់នោះទេ។ បន្ទាប់មកស្រាប់តែមានបុរសម្នាក់បេីករថយន្តម៉ាកឡិចស៊ីសLX 570 super sport ពណ៌ស ពាក់ស្លាកលេខភ្នំពេញ2 AD-7777 ធ្វេីដំណេីរក្នុងទិសដៅពីលិចទៅកេីតក្នុងល្បឿនលឿនមិនប្រយ័ត្នក៏ជ្រុលទៅបុកពីក្រោយពេញទំហឹងគាបជាប់គ្នារុញរថយន្តដឹកទំនិញទៅបុកបង្គោលភ្លេីងមួយដេីមទៀតបាក់រងការខូចខាតយ៉ាងដំណំតែមិនមានមនុស្សរងរបួសនោះទេ។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុទាក់ទងទៅជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីមកធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
