សារព័ត៌មាន នគរវត្ត តែងតែនាំមុខគេជានិច្ច
ខេត្តបន្ទាយមានជ័យ ៖ ក្រុមក្មេងមួយក្រុមមានចំនួន១១នាក់បង្កហិង្សាដោយចេតនានិងធ្វើអោយខូចខាត ទ្រព្យសម្បត្តិ ត្រូវបាននគរបាលក្រុងសិរីសោភ័ណឃាត់ខ្លួននៅថ្ងៃទី២៥ខែឧសភាឆ្នាំ២០២៣ នេះ។
លោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណអោយដឹងថា : កាលពីថ្ងៃ ទី២៣ ខែឧសភា ឆ្នាំ២០២៣ វេលាម៉ោង២០ និង១៦នាទីយប់.នៅចំណុចតូបលក់ចាប់ហ៊ួយមួយស្ថិតក្នុងភូមិអូរអំបិល សង្កាត់អូរអំបិលមានក្រុមក្មេងស្ទាវ២ក្រុមបង្កហេតុ។
ក្នុងនោះក្រុមទី១ ជនរងគ្រោះមានគ្នា៥នាក់មាន ៖
១/ឈ្មោះ សមុទ្រ ភេទប្រុស អាយុ១៦ ឆ្នាំ រស់នៅភូមិព្រហូត សង្កាត់អូរអំបិល ។២/ឈ្មោះ រដ្ឋ ភេទប្រុស អាយុ១៦ឆ្នាំ រស់នៅភូមិអញ្ចាញ ឃុំសំរោង។ ៣/ឈ្មោះ ហេង ភេទប្រុស អាយុ១៧ឆ្នាំ រស់នៅភូមិទឹកថ្លា សង្កាត់ទឹកថ្លា។៤/ឈ្មោះ រតនា ភេទប្រុស អាយុ១៧ឆ្នាំ រស់នៅភូមិគាប សង្កាត់ទឹកថ្លា។និង ៥/ឈ្មោះ ឆាត សៀវឡុង ភេទប្រុស អាយុ ១៦ឆ្នាំ រស់នៅភូមិសំបួរ ឃុំសំបួរ ស្រុកមង្គល បូរី។
លោកវរសេនីយ៍ឯកស៊ី ឌី បានបន្តថា : ឯក្រុមទី២ មានជនបង្កមានគ្នា១០នាក់ ជិះម៉ូតូ៦ គ្រឿង ម៉ាកហុងដាឌ្រីម៥គ្រឿង ម៉ាកស្កូពី ១គ្រឿង ពណ៌ខៀវ ។
លោកបន្តថា ក្នុងចំណោមជនបង្ក ជនរងគ្រោះខ្លះថា មិនស្គាល់ឈ្មោះទេ ។ គឺចំណាំតែម៉ូតូស្កូពីពណ៌ខៀវ ។
ឯក្រុមទី២ បានជិះម៉ូតូមកដល់តូបលក់ចាប់ហ៊ួយ ក៏ធ្វើសកម្មភាពកាន់កាំបិតកែឆ្នៃដេញកាប់ និងយកដុំថ្មគប់ទៅលើក្រុមទី១ ។
គឺកាប់ចំត្រូវដៃខាងឆ្វេង ជនរងគ្រោះឈ្មោះ សមុទ្រភេទប្រុស និងកាប់កំទេចម៉ូតូខូចខាតអស់ចំនួន ៣គ្រឿង ។ក្រោយមកជនរងគ្រោះត្រូវបានបញ្ជូនទៅពិនិត្យ ព្យាបាលនៅមន្ទីរពេទ្យខេត្តមិត្ដភាពកម្ពុជា-ជប៉ុនមង្គលបូរី ។
ចំណែកម៉ូតូខាងជនរងគ្រោះ១គ្រឿង ត្រូវសមត្ថកិច្ច យករក្សាទុកនៅប៉ុស្ដិ៍នគរបាលរដ្ឋបាលសង្កាត់អូរអំបិល។
លោកវរសេនីយ៍ព្រហ្ម ប៊ុនធឿន នាយការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តបានអោយដឹងថានៅថ្ងៃទី២៥ខែឧសភាក្រោយពីទទួលបានព័ត៌មាន នៅព្រឹកឡើងថ្ងៃ២៤ខែឆ្នាំដដែល កម្លាំងការិយាល័យព្រហ្មទណ្ឌកំរិតស្រាល សហការជាមួយកម្លាំងជំនាញក្រុងសិរីសោភ័ណ កំណត់បានមុខសញ្ញាជនសង្ស័យខាងលើហើយបាននាំខ្លួនជនសង្ស័យចំនួន១១នាក់មកសាកសួរនៅអធិការដ្ឋាននគរបាលក្រុងសិរីសោភ័ណ មានឈ្មោះដូចខាងក្រោម÷
ទី១-ឈ្មោះ ឡន ជីឡុង ភេទប្រុស អាយុ១៦ឆ្នាំ រស់នៅភូមិគោរដ្ឋាន សង្កាត់អូរអំបិលបក្ខពួក ។
ទី២-ឈ្មោះ សម្ភស្ស ប៊ុនហេង ភេទប្រុស អាយុ១៦ឆ្នាំ ភូមិពីរ សង្កាត់កំពង់ស្វាយបក្សពួកមានកាំបិត តែមិនបានចុះកាប់ ។
ទី៣-ឈ្មោះ ញែប ឡុងហេង ភេទប្រុស អាយុ១៧ឆ្នាំ ភូមិសូភី សង្កាត់កំពង់ស្វាយ ជនដៃដល់មានកាំបិត ។
ទី៤-ឈ្មោះ ពេញ នរៈសត្យា ភេទប្រុស អាយុ១៧ឆ្នាំ ភូមិតារាងបាល់ សង្កាត់កំពង់ស្វាយ ជាបក្សពួក ។
ទី៥-ឈ្មោះ ខន រតនា ភេទប្រុស អាយុ១៦ឆ្នាំ ភូមិខ្លាកូនចាស់ សង្កាត់កំពង់ស្វាយ(បក្សពួក)មុខសញ្ញាចាស់។
ទី៦-ឈ្មោះ ខន សិរីឧត្តម ភេទប្រុស អាយុ១៦ឆ្នាំ ភូមិខ្លាកូនចាស់ សង្កាត់កំពង់ស្វាយ ជាបក្សពួក (មុខសញ្ញាចាស់) ។
ទី៧-ឈ្មោះយាន គារ៉ា ភេទប្រុស អាយុ១៦ឆ្នាំ ភូមិខ្លាកូនចាស់ សង្កាត់កំពង់ស្វាយ ជាបក្សពួក។
ទី៨-ឈ្មោះ ធឿន ប៉ូលីន ភេទប្រុស អាយុ ១៧ឆ្នាំភូមិខ្លាកូនចាស់ សង្កាត់កំពង់ស្វាយជាបក្សពួក។
ទី៩-ឈ្មោះ ប៊ុឡា ផានិត ភេទប្រុសអាយុ១៥ឆ្នាំ ភូមិសូភី សង្កាត់កំពង់ស្វាយ ជាបក្សពួក។
ទី១០-ឈ្មោះ ជូ បញ្ចះបញ្ញា ភេទប្រុស អាយុ១៦ឆ្នាំ ភូមិគោរដ្ឋានសង្កាត់អូរអំបិល ជាបក្សពួក (មុខសញ្ញាចាស់)។
ទី១១-ឈ្មោះ ភាព ពីនធុក ភេទប្រុសអាយុ១៥ឆ្នាំ ភូមិបី សង្កាត់ព្រះពន្លាជាបក្សពួក ។
ចំណែកជនសង្ស័យអោយដឹងថា : ពួកខ្លួនទាំង១១នាក់ពិតជាបាននាំគ្នាទៅកាប់ជនរងគ្រោះ និងម៉ូតូជនរងគ្រោះពិតមែន ព្រោះមាន គំនុំនិងមានទំនាស់ជាក់ស្តែងពេលនៅទល់មុខ ។
សមត្ថកិច្ចបានស្នើរសុំគោលការណ៍ឃាត់ខ្លួន សួរចម្លើយនិងកសាងសំណុំរឿងមួយចំនួន និងធ្វើកិច្ចសន្យាមួយចំនួនដើម្បីអនុវត្តតាមនីតិវិធី៕
ដោយ ៖ វណ្ណា
