សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកូរ៉េដឹកទំនិញមួយគ្រឿងបេីកបរវ៉ាជែងខាងឆ្វេងនៃរថយន្តឡង់គ្រីស័រមួយគ្រឿងហេីយបានបត់ស្តាំកាត់មុខធ្វេីឱ្យរថយន្តឡង់គ្រីស័រចាប់ហ្វ្រាំងមិនទាន់ជ្រុលបុកពេញទំហឹងបណ្តាលឱ្យរងការខូចខាតហេីយរថយន្តកូរ៉េបានបេីកចូលក្នុងឃ្លាំងបាត់។
ហេតុការណ៍នេះបានកេីតឡេីងកាលពីវេលាម៉ោង៨ព្រឹក ថ្ងៃទី៣០ ខែឧសភា ឆ្នាំ២០២៣ នៅតាមបណ្តោយផ្លូវជាតិលេខ៣ ភូមិទួលកី សង្កាត់ភ្លេីងឆេះរទះ ខណ្ឌកំបូល។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តឡង់គ្រីស័រ ពណ៌ស (ដោះស្លាកលេខចេញក្រោយកេីតហេតុ)ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅពីជេីងទៅត្បូង ខាងមុខរថយន្តកូរ៉េដឹកទំនិញ ខណៈមកដល់ចំណុចកេីតហេតុរថយន្តកូរ៉េក៏បានវ៉ាជែងខាងឆ្វេងដៃភ្លាមនោះក៏ទាញចង្កូតបត់មកខាងស្តាំកាត់មុខរថយន្តឡង់គ្រីស័រធ្វេីឱ្យម្ចាស់រថយន្តឡង់គ្រីស័រចាប់ហ្វ្រាំងមិនទាន់ក៏ជ្រុលបុកពេញទំហឹងបណ្តាលឱ្យរងការខូចខាតរថយន្តឡង់គ្រីស័រយ៉ាងដំណំ។ បន្ទាប់មករថយន្តកូរ៉េបេីកចូលក្នុងឃ្លាំងដែលនៅជាប់កន្លែងកេីតហេតុបាត់។
ក្រោយកេីតហេតុសមត្ថកិច្ចបានចុះទៅដល់ចំណុចកេីតហេតុធ្វេីការវាស់វែងយករថយន្តទាំង២គ្រឿងទៅរក្សាទុកនៅអធិការនគរបាលខណ្ឌកំបូលរង់ចាំដោះស្រាយពេលក្រោយ៕
ដោយ៖សុខាសែនជ័យ
