សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ នៅល្ងាចថ្ងៃទី៦ ខែមិថុនា ឆ្នាំ២០២៣ អង្គភាព ស្នងការដ្ឋាននគរបាលខេត្តកំពង់ស្ពឺ បានបញ្ជាក់ពី ព័ត៌មានបឋម ជុំវិញ គ្រោះថ្នាក់ចរាចរណ៍ រថយន្ត បុកបន្តកន្ទុយគ្នា ។
គឺរន្ធត់ណាស់ករណីគ្រោះថ្នាក់ចរាចរណ៍ដ៏រន្ធត់នៅលើផ្លូវជាតិលេខ៤ ចន្លោះគីឡូម៉ែត្រ១០៣-១០៤ រថយន្តបុកពីក្រោយរថយន្ត សរុបប្រមាណ០៩គ្រឿង ចំណុចក្បែរចំណោទយាយម៉ៅពេជ្រនិល ភូមិទី៦ ឃុំយាយម៉ៅពេជ្រនិល ។
អង្គភាព ស្នងការដ្ឋាននគរបាលខេត្តកំពង់ស្ពឺ បានបញ្ជាក់ថា,៖ ថ្ងៃទី០៦ ខែមិថុនា ឆ្នាំ២០២៣ វេលាម៉ោង១៤៖២០នាទី នៅលើផ្លូវជាតិលេខ៤ ចន្លោះគីឡូម៉ែត្រ១០៣-១០៤ ត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ករណីគ្រោះថ្នាក់ចរាចរណ៍រវាងរថយន្តបុកពីក្រោយរថយន្តចំនួន០៩គ្រឿង ក្នុងដំណើរស្របទិសគ្នា បណ្តាលឲ្យគ្រោះថ្នាក់ ឈានដល់
–ស្លាប់០១នាក់(ភេទស្រី)នៅកន្លែងកើតហេតុ
– របួសធ្ងន់០២នាក់ប្រុស
– ខូចខាតរថយន្ត៩គ្រឿងធ្ងន់ ។
ករណីនេះ កំលាំងនគរបាលចរាចរណ៍ នៃអធិការដ្ឋាននគរបាលស្រុកភ្នំស្រួច និងកំលាំងសង្រ្គោះ បានកំពុងធ្វើចរាចរណ៍នៅកន្លែងកើតហេតុ និងសម្របសម្រួលលេីករណីនេះកុំអោយកកស្ទះចរាចរណ៍ និងជួយសង្រ្គោះមនុស្ស។
ព័ត៌មានលំអិតអង្គភាពយើងនិងជម្រាបជូនពេលក្រោយ ៕
ដោយ ៖ សិលា
