សារព័ត៌មាន នគរវត្ត តែងតែនាំមុខគេជានិច្ច
ក្លិបយក្សរបស់បារាំង Paris St-Germain បានចុះហត្ថលេខាលើខ្សែការពារ Milan Skriniar ក្នុងកិច្ចសន្យារយៈពេល៥ឆ្នាំបន្ទាប់ពីការផ្ទេរដោយឥតគិតថ្លៃរបស់គាត់ពីក្លិបយក្សអ៊ីតាលី Inter Milan ។
កីឡាករសញ្ជាតិស្លូវ៉ាគីរូបនេះលេងឱ្យ Inter Milan អស់រយៈពេល៥ឆ្នាំ និងបានជួយក្រុមឈ្នះពានរង្វាន់ Serie A ក្នុងរដូវកាល ២០២០–២០២១។
កីឡាករវ័យ២៨ឆ្នាំរូបនេះបានចុះហត្ថលេខាជាមួយ PSG មួយថ្ងៃបន្ទាប់ពីក្លិបបារាំងបានតែងតាំងអតីតគ្រូបង្វឹកអេស្ប៉ាញលោក Luis Enrique ជាអ្នកចាត់ការថ្មីរបស់ពួកគេ។
Skriniar បាននិយាយថា “PSG គឺជាក្លិបខ្លាំងបំផុតមួយនៅក្នុងពិភពលោក ដែលមានកីឡាករលំដាប់ពិភពលោក និងអ្នកគាំទ្រដ៏អស្ចារ្យ។ ខ្ញុំរីករាយណាស់ដែលបានក្លាយជាផ្នែកមួយនៃក្លិបដ៏អស្ចារ្យនេះ”។
Skriniar ត្រូវបានផ្សារភ្ជាប់ជាមួយនឹងការផ្ទេរទៅកាន់ក្របខ័ណ្ឌ Premier League ដោយមានទាំងក្លិប Tottenham Hotspur និង Liverpool ដែលត្រូវបានគេរាយការណ៍ថាចាប់អារម្មណ៍លើកីឡាកររូបនេះ ៕
ដោយ៖ ភារៈ(រូបភាព ៖ BBC Sport)
