ការផ្ទុះរោងចក្រផលិតគ្រាប់រំសេវក្នុងប្រទេសរុស្ស៊ី ស្លាប់៦នាក់

ចែករំលែក៖

ទីភ្នាក់ងារសារព័ត៌មាន RIA Novosti បានរាយការណ៍ថា ការរុះរើឧបករណ៍អំឡុងពេលជួសជុលបាននាំឱ្យមានការផ្ទុះនៅរោងចក្រផលិតគ្រឿងផ្ទុះរបស់ Promsintez ក្នុងទីក្រុង Chapayevsk ដោយបានសម្លាប់មនុស្ស៦នាក់ និងរងរបួស ២ នាក់ ។
កាលពីថ្ងៃទី ៧ ខែកក្កដា ប្រព័ន្ធផ្សព្វផ្សាយរុស្ស៊ីបានរាយការណ៍ថា ការផ្ទុះមួយបានកើតឡើងនៅរោងចក្រផលិតគ្រឿងផ្ទុះមួយក្នុងខេត្ត Samara ភាគកណ្តាលនៃប្រទេសរុស្ស៊ី ដោយបានសម្លាប់មនុស្ស ៦ នាក់ និងរបួស ២ នាក់។
ទីភ្នាក់ងារសារព័ត៌មាន RIA Novosti បានរាយការណ៍ថា ការរុះរើឧបករណ៍អំឡុងពេលជួសជុលបាននាំឱ្យមានការផ្ទុះនៅរោងចក្រ Promsintez ក្នុងទីក្រុង Chapayevsk ។ Promsintez គឺជាក្រុមហ៊ុនផលិតគ្រឿងផ្ទុះឧស្សាហកម្មធំមួយនៅក្នុងប្រទេសរុស្ស៊ី មានបុគ្គលិកចំនួន ១.៣០០ នាក់ និងផ្គត់ផ្គង់ផលិតផលដល់វិស័យរុករករ៉ែ ប្រេង និងឧស្ម័ន។
គ្រោះថ្នាក់នៅរោងចក្ររុស្ស៊ីគឺជារឿងធម្មតា ព្រោះបទប្បញ្ញត្តិសុវត្ថិភាពច្រើនតែមិនតឹងរ៉ឹង។កាលពីខែមិថុនា មនុស្សបួននាក់បានស្លាប់ក្នុងការផ្ទុះរោងចក្រផលិតកាំភ្លើងក្នុងខេត្ត Tambov ភាគអាគ្នេយ៍នៃទីក្រុងម៉ូស្គូ។
ការផ្ទុះនេះបានបណ្តាលឱ្យមានភ្លើងឆេះអគារមួយនៅរោងចក្រដែលមានចម្ងាយប្រហែល ៤០០ គីឡូម៉ែត្រភាគអាគ្នេយ៍ទីក្រុងមូស្គូ។ ពេលនេះភ្លើងត្រូវបានពន្លត់ហើយ ។
ទីភ្នាក់ងារសារព័ត៌មាន RIA បាននិយាយថា មនុស្សប្រាំបីនាក់ក៏បានរងរបួសនៅក្នុងឧបទ្ទវហេតុនេះផងដែរ។ អាជ្ញាធរក្នុងតំបន់បានច្រានចោលលទ្ធភាពនៃការវាយប្រហារភេរវកម្ម ហើយបានស្តីបន្ទោសកត្តាមនុស្សលើឧប្បត្តិហេតុនេះ៕ ដោយ៖ ធីរីណា