សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ បុរសជាគ្រូបង្រៀនម្នាក់ បើករថយន្តបង្កម៉ាកតាកូម៉ា ពណ៌ទឹកប្រាក់ បានចេញពីហូបការស្រវឹងស្រឿងៗបើករថយន្តជាន់ហ្គែរ ស្មានថាហ្វ្រាំងជ្រុលទៅ បុកកូនក្រមុំឈរកំពុងចាំទទួលភ្ញៀវ មុខរោងការ បណ្ដាលឱ្យរងរបួសធ្ងន់ និងអ្នកផ្សេងទៀតរងរបួសធ្ងន់ស្រាល។
យោងតាមវីដេអូឃ្លីបចំនួន២ឃ្លីប បានបង្ហាញថា ហេតុការណ៍នេះ បានកើតឡើងនៅវេលាម៉ោង ២ និង៤០នាទីរសៀលថ្ងៃទី០៦ ខែសីហា ឆ្នាំ២០២៣នេះ ស្ថិតនៅភូមិជ្រោយនាងងួន ស្រុកស្រីស្នំ ខេត្តសៀមរាប។
ប្រភពដដែលបន្តថា មុនពេលកើតហេតុអ្នកបេីករថយន្តបង្ក គឺជាគ្រូបង្រៀនម្នាក់ និងជាភ្ញៀវម្ចាស់កម្មវិធីមង្គលការខាងលេីនេះ ក្រោយមកគាត់ក៏បានចេញពីហូបការ ដោយមានសភាពស្រវឹងស្រឿងៗ និងបានឡេីងបើករថយន្តជាន់ហ្គែរយ៉ាងខ្លាំង ច្រឡំស្មានថាហ្វ្រាំង ក៏ជ្រុលទៅបុកកូនក្រមុំដែលជាជនជាតិបរទេស កំពុងឈររងចាំទទួលភ្ញៀវ មុខរោងការទាំងកំរោលបណ្ដាលឱ្យជនរងគ្រោះដែលរងរបួសធ្ងន់ មានជនជាតិខ្មែរ២នាក់ និងជនបរទេស៣នាក់។
គួរបញ្ជាក់ដែរថា ជនជាតិហូឡង់ និងជនបរទេសផ្សេង សរុប១៤នាក់ បានចូលរួមកម្មវិធីជួបជុំបងប្អូន ចៃដន្យជួបឧប្ទវហេតុ បង្កឡើងដោយបើកបរដោយឈ្មោះ ឡំ ឡុញ ភេទប្រុសអាយុ៤១ឆ្នាំ មុខរបរគ្រូបង្រៀន រស់នៅភូមិក្រូចចារ ឃុំប្រីយ៍ ស្រុកស្រីស្នំ ខេត្តសៀមរាប បើកបរក្នុងស្ថានភាពស្រវឹងស្រា ទើបចេញពីកន្លែងកម្មវិធីជាមួយគ្នាបណ្តាលឱ្យមានរងរបួសស្រាល ចំនួន០៥នាក់ បន្ទាប់មកបានបញ្ជូនទៅមន្ទីរពេទ្យខេត្តសៀមរាប។
ជនជាតិទាំងនោះមានឈ្មោះ
១.ឈ្មោះ Lee Sokgoeun ភេទប្រុស ឆ្នាំកំណើត 20/02/1980 ជនជាតិខ្មែរ-ហូឡង់,
២.ឈ្មោះ Roodnat Lonneke ភេទស្រី ឆ្នាំកំណើត19/07/1979 ជនជាតិ ហូឡង់ ,
៣.ឈ្មោះ Sam Lily Soo ភេទស្រី ឆ្នាំកំណើត29/06/2013 ជនជាតិ ហូឡង់ ;
៤.ឈ្មោះ De Jong Nikki ភេទស្រី ឆ្នាំកំណើត 29/09/1979 ជនជាតិ ហូឡង់,
៥.ឈ្មោះ Sam Solyna Maria ភេទស្រី ឆ្នាំកំណើត 07/11/2006 ជនជាតិ ហូឡង់ ,
៦.ឈ្មោះ Brouwers Ticho Caspar ភេទប្រុស ឆ្នាំកំណើត09/12/1988 ជនជាតិ ហូឡង់,
៧.ឈ្មោះ Scheffer Marjo Henderika ភេទស្រី ឆ្នាំកំណើត22/12/1979 ជនជាតិ ហូឡង់,
៨.ឈ្មោះ Pieter Cathelijne ភេទស្រី ឆ្នាំកំណើត 26/01/1977 ជនជាតិ ហូឡង់,
៩.ឈ្មោះ Hoang Phi Long ភេទប្រុស ឆ្នាំកំណើត 20/02/1987 ជនជាតិ ហូឡង់ ,
១០.ឈ្មោះ Nguyen Thi Thu Thuy ភេទស្រី ឆ្នាំកំណើត 31/10/1989 ជនជាតិវៀតណាម,
១១.ឈ្មោះ Lennaerts Taro Lucas ភេទប្រុស ឆ្នាំកំណើត 22/05/1989 ជនជាតិ ហូឡង់ ,
១២.ឈ្មោះ Kraanen Phebe Mai Celine ភេទស្រី ឆ្នាំកំណើត 27/08/1992 ជនជាតិ ហូឡង់ ,
១៣.ឈ្មោះ Gomperts Thymen Benjamin ភេទប្រុស ជនជាតិ ហូឡង់ ,
និង១៤.ឈ្មោះ Rompa Nina ភេទស្រី ឆ្នាំកំណើត24/02/1994 ជនជាតិ ហូឡង់ ។
ក្រោយកេីតហេតុគេឃើញភ្ញៀវដែលបានចូលរួមក្នុងពិធីមង្គលការនោះ បាននាំគ្នាជួយអន្តរគមន៍ចាប់អ្នកបេីកបរប្រគល់ឱ្យសមត្ថកិច្ចផងដែរ។ ចំណែកជនរងគ្រោះជាកូនក្រមុំ និងអ្នកផ្សេងទៀតត្រូវបានដឹកបញ្ជូនទៅសង្រ្គោះនៅមន្ទីរពេទ្យបង្អែកផងដែរ៕
ខាងក្រោមនេះជាវីដេអូ សូមទស្សនា៖
ដោយ៖ វណ្ណា
