សារព័ត៌មាន នគរវត្ត តែងតែនាំមុខគេជានិច្ច
ក្លិបមាន់ខ្នាយមាស Tottenham បានចុះហត្ថលេខាលើខ្សែការពារ Mickyvan de Ven ពីក្លិបអាល្លឺម៉ង់ Wolfsburg ក្នុងកិច្ចព្រមព្រៀងដែលមានតម្លៃ៤០លានអឺរ៉ូដំបូង (៣៤លានផោន)។ តម្លៃសម្រាប់កីឡាករវ័យ២២ឆ្នាំអាចកើនឡើងដល់៥០លានអឺរ៉ូ (៤៣លានផោន) ជាមួយនឹងលក្ខខណ្ឌបន្ថែមដ៏មានសក្តានុពល។
Van de Ven ដែលជាប្រធានក្រុមជម្រើសជាតិហូឡង់អាយុក្រោម២១ឆ្នាំក្នុងការប្រកួតជើងឯកអឺរ៉ុបរដូវក្តៅនេះ បានចុះហត្ថលេខាលើកិច្ចសន្យារយៈពេល៦ឆ្នាំ។ កីឡាកររូបនេះជាកីឡាករទី៤របស់ក្រុមក្នុងរដូវក្តៅបន្ទាប់ពីការមកដល់របស់ខ្សែបម្រើអង់គ្លេស James Maddison អ្នកចាំទីអ៊ីតាលី Guglielmo Vicario និងខ្សែបម្រើស្លាបអ៊ីស្រាអែល Manor Solomon។
Van de Ven បានលេង៣៣ប្រកួតនៅ Bundesliga កាលពីរដូវកាលមុនដោយបានចូលរួមជាមួយ Wolfsburg ពីក្រុមហូឡង់ Volendam ក្នុងតម្លៃ៣លានផោនក្នុងឆ្នាំ២០២១។ ភាគច្រើនជាខ្សែការពារកណ្តាលផ្នែកខាងឆ្វេង គាត់បានបង្ហាញខ្លួនចំនួន៦ដងក្នុងចំណោម៣៦ប្រកួតរបស់គាត់នៅក្នុងការប្រកួតទាំងអស់កាលពីរដូវកាលមុននៅខ្សែការពារឆ្វេង។
ក្រុមមាន់ខ្នាយមាស Spurs ធ្វើដំណើរទៅទឹកដីក្រុម Brentford សម្រាប់ការប្រកួតបើកឆាក Premier League នៃរដូវកាលថ្មី២០២៣–២០២៤ របស់ខ្លួននៅថ្ងៃអាទិត្យវេលាម៉ោង៨យប់ ម៉ោងនៅកម្ពុជា ៕
ដោយ៖ ភារៈ(រូបភាព ៖ BBC Sport)
