សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង÷ កាលពី វេលាម៉ោង០៤និង១០នាទីទៀបភ្លឺឈានចូលថ្ងៃទី១២ខែសីហាឆ្នាំ២០២៣ អនុវត្តតាមយោបល់បញ្ជាដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ សំ វីរៈ អធិការនគរបាលស្រុកបាណន់ បានដឹកនាំកម្លាំងផ្នែកប្រឆាំងគ្រឿងញៀនសហការជាមួយកម្លាំងប៉ុស្តិ៍នគរបាលរដ្ឋបាលតាគ្រាម ចុះបង្ក្រាបករណីរក្សាទុកនូវសារធាតុញៀនដោយខុសច្បាប់០១ករណីក្នុងបទល្មើសជាក់ស្តែង ស្ថិតនៅចំណុចភូមិតាង៉ែន ឃុំតាគ្រាម ស្រុកបាណន់ ខេត្តបាត់ដំបង។
ប្រភពពីសមត្តកិច្ចបានបន្តថា ជនសង្ស័យដែលសមត្ថកិច្ចឃាត់ខ្លួនបានម្នាក់នេះឈ្មោះ អុច សុខវុយ ភេទប្រុសអាយុ៣២ឆ្នាំ មានទីលំនៅភូមិអូរឃ្មុំ ឃុំរស្មីសង្ហា ស្រុករតនមណ្ឌល ខេត្តបាត់ដំបង និងបានប្រមូលវត្តុតាងយករួមមាន៖
-ម្សៅក្រាមពណ៌សថ្លាសង្ស័យជាសារធាតុញៀនចំនួន០១ថង់
-សម្ភារពាក់ព័ន្ធសម្រាប់ប្រើប្រាស់គ្រឿងញៀនមួយចំនួន
– ម៉ូតូចាស់កែច្នៃ០១គ្រឿង
-ទូរស័ព្ទដៃ០១គ្រឿង ។
សមត្តកិច្ចជំនាញបានបន្តថា ជនសង្ស័យដែលបានឃាត់ខ្លួនខាងលើត្រូវបានបញ្ជូនជាបណ្តោះអាសន្ននៅអធិការដ្ឋាននគរបា
លស្រុកបាណន់ ដើម្បីកសាងសំណុំរឿងអនុវត្តតាមនីតិវិធីច្បាប់ ៕
ដោយ៖ ស សារ៉េត
