សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ទីតាំងភោជនីយដ្ឋានយីហោ”កល្យាណ” ក្រោយបង្កសម្លេងរំខានដល់អ្នកជិតខាង ត្រូវបានមន្រ្តីជំនាញពាក់ព័ន្ធខណ្ឌទួលគោក បានចុះទៅធ្វើកិច្ចសន្យាណែនាំ អប់រំមិនឱ្យបង្កការរំខានដល់អ្នកជិតខាងនោះឡើយ។
បេីតាមការបញ្ជាក់ពីមន្រ្តីសាលាខណ្ឌទួលគោក បានឱ្យដឹងនៅព្រឹកថ្ងៃទី១៦ ខែសីហា ឆ្នាំ២០២៣នេះថា៖ ក្រោយមានការសំណូមពររបស់ពលរដ្ឋ ពីបញ្ហាទីតាំងភោជនីយដ្ឋានយីហោ កល្យាណ បង្កសម្លេងរំខានដល់ការរស់នៅរបស់ពួកគាត់ លោក ឈាង វុទ្ធី អភិបាលរងខណ្ឌទួលគោក បានដឹកនាំមន្រ្តីជំនាញពាក់ព័ន្ធ ចុះទៅធ្វើកិច្ចសន្យា ជាមួយម្ចាស់ទីតាំង នៅភោជនីយដ្ឋាន កល្យាណ ដែលមានទីតាំងនៅផ្លូវ៣១៥ និង៣១៧ ភូមិ៦ សង្កាត់បឹងកក់ទី២ ។
ក្រោយធ្វើកិច្ចសន្យា ក្រុមការងារ បានអប់រំណែនាំដល់ ម្ចាស់អាជីវកម្ម ៖
– ត្រូវបញ្ឈប់ការបង្កសម្លេងរំខានដល់អ្នកជិតខាង
– ត្រូវចូលរួមរៀបចំ និងថែរក្សាសណ្ដាប់ធ្នាប់ និងអនាម័យ នៅជុំទីតាំងអាជីវកម្ម ដោយមិនត្រូវចតយានយន្តលើចិញ្ចើម និងទ្រូវផ្លូវនោះទេ ក្នុងករណីមិនអនុវត្តតាមកិច្ចសន្យា រដ្ឋបាលខណ្ឌ នឹងចាត់វិធានការរដ្ឋបាល តាមនីតិវិធីច្បាប់៕
ដោយ៖ សហការី
